दोधारा चाँदनीलाई सबैभन्दा ठुलो नाका बनाउँछौँ: गृहमन्त्री लेखक
महेन्द्रनगर। गृहमन्त्री रमेश लेखकले कञ्चनपुरको दोधारा चाँदनीलाई देशको सबैभन्दा ठुलो नाकाका रूपमा विकास गर्ने योजना घोषणा गरेका छन्। बुधबार, दोधारा चाँदनी नगरपालिकास्थित ईलाका प्रहरी कार्यालयको नवनिर्मित भवनको उद्घाटन गर्दै मन्त्री लेखकले यो नाकालाई त्रिदेशीय नाकाका रूपमा विकास गर्ने कुरा बताएका छन्।
उनले भने, “महाकाली नदीमा चार लेनको पक्की पुल बनिसकेको छ, अब दोधारा चाँदनीमा सुख्खा बन्दरगाह निर्माण हुनेछ। यो नाकालाई भारत र चीनसँग जोडेर देशकै सबैभन्दा ठूलो नाका बनाउन हामी योजना बनाइरहेका छौँ।”
गृहमन्त्री लेखकले निकट भविष्यमा दार्चुलाको तिंङ्करमा अध्यागमन कार्यालय स्थापना गर्ने तयारी भइरहेको जानकारी दिए, जसले मानसरोवर यात्राका लागि सुनिश्चितता प्रदान गर्ने अपेक्षा व्यक्त गरे।
उहाँले थपे, “उद्योग, व्यापार, वाणिज्य, र पर्यटनका लागि महत्वपूर्ण नाका रूपमा दोधारा चाँदनीलाई विकास गर्ने हाम्रो योजना छ। महाकाली नदीमा झोलुङ्गे पुल बनाउने बारे हास्य गर्नेमध्येका केही व्यक्तिहरू अहिले चार लेनको पक्की पुल बनिसकेको देख्न पाएपछि खुशी छन्।”
त्यसैगरी, गृहमन्त्री लेखकले संसदमा रहेका दुई ठुला दलहरू बीच सहमति भएपछि नयाँ राजनीतिक समीकरण बनेकोले मुलुकमा सुशासन कायम हुने विश्वास व्यक्त गरे। भ्रमणको क्रममा उनले कञ्चनपुरका बाढी प्रभावित क्षेत्रहरूको स्थलगत अवलोकन पनि गरे।
