चाँदीको मूल्य बढ्दा सुनको कति ?

काठमाडौँ । आज नेपाली बजारमा सुनको मूल्य स्थिर रहेको छ भने चाँदीको मूल्य वृद्धि भएको छ।

नेपाल सुनचाँदी व्यवसायी महासंघका अनुसार, आज सुनको मूल्य तोलामा एक लाख ५२ हजार रुपैयाँमा कारोबार भइरहेको छ।

यसअघि सोमबार, मंगलबार र बुधबार पनि सुनको मूल्य स्थिर रहँदै एक लाख ५२ हजार रुपैयाँमा कारोबार भएको थियो।

त्यस्तै, आज चाँदीको मूल्यमा १० रुपैयाँको वृद्धि भएको छ।

अहिले चाँदी तोलामा १७६५ रुपैयाँमा कारोबार भइरहेको महासंघले जनाएको छ।