शर्मालाई अवार्ड
काठमाडौं/नेपाल हक्की संघका अध्यक्ष अनिलप्रसाद शर्मा एफआईएच प्रेसिडेन्ट अवार्डबाट शनिबार सम्मानित भएका छन् ।
ओमानको मस्कटमा भएको अन्तर्राष्ट्रिय हक्की महासंघ (एफआईएच) को ४९ औं महाधिवेशनका अवसरमा शर्मालाई अवार्ड प्रदान गरिएको हक्की संघले जनाएको छ ।
महाधिवेशनमा सहभागी हुन शर्मासहित ओमानमै रहेकी हक्की संघकी महासचिव सुवर्ण श्रेष्ठले नेपाली हक्कीको इतिहासमा यति ठूलो सम्मान पहिलो भएको बताउदै नेपालकै लागि गौरवको विषय भएको बताइन् ।
शर्मा तीन दशक भन्दा धेरै समय देखि हक्की संघमा छन्। उनी यस अगाडि संघको महासचिव थिए।
