संस्कार चलाउनु होस 

भोजबहादुर बलायर

चलाउनु होस 

तपाईको जे बिक्छ 

त्यही चलाउनु होस

ठगका लागी कलम चलाउनु होस

फटाहाका लगी जालझेल चलाउनु होस

तस्करका लागी मुख चलाउनु होस

गफाडीका लागि सामाजिक सञ्जाल चलाउनु होस

चलाउनु होस तपाईँसँग 

जुन सीप र संस्कार छ त्यही चलाउनु होस ||

हो! हामी वीरका सन्तान 

कसले रोक्छ ?

कसले छेक्छ ?

इमान र आदर्श लुटाउँदै

अतिथि देवो भव: भन्ने

आफ्नो पहिचान बेची

दैलोमा आएको पाहुनालाई

मान मर्दन हुने गरी स्वागत गर्ने

आनी बानी चलाउनु होस

संस्कार बेची

कुसंस्कार चलाउनु होस 

सत्य, धर्म र मानवता बेची

अर्जुन हैन 

दुर्योधन चलाउनु होस 

राम हैन 

रावण चलाउनु होस 

चलाउनु होस तपाईँसँग 

जुन संस्कार छ त्यही चलाउनु होस || ||