ममता काफ्लेलाई खोज्न भर्जिनिया पार्क बन्द
पेन्सिल्भेनिया । नेपाली नर्स ममता काफ्ले भट्टको खोजी गर्नका लागि प्रहरीले भर्जिनिया पार्क बन्द गराएको छ ।
अगस्ट १ तारिखदेखि बेपत्ता भएकी ममताको खोजीका लागि मानसास पार्कको सिग्नल भ्यू ड्राइभमा रहेको सिग्नल हिल पार्क बन्द गरेको प्रहरीले पुष्टि गरेको छ ।
अहिलेसम्म उनको अत्तो पत्तो लागेको छैन । उनका श्रीमान नरेश भट्टले वेपत्ता बनाएको आंशका गरिएको छ । सोही आधारमा प्रहरीले उनलाई पक्राउ गरेर हिरासतमा राखेको छ । यसअघि भट्टलाई धरौटीमा छाड्न अदालतले अस्वीकार गरेको थियो ।
अमेरिकामा नेपाली नर्स ममता बेपत्ता प्रकरण: पति नरेशलाई अदालतद्वारा धरौटी दिन अस्वीकार
२८ वर्षीया नर्सलाई अन्तिम पटक जुलाई ३१ मा युवीए हेल्थ प्रिन्स विलियम मेडिकल सेन्टरमा देखिएकी थिइन् ।
उनका श्रीमान् नरेश भट्टले उनलाई देखेको अन्तिम दिन जुलाई २८ भएको दाबी गरे, तर उनले अगस्ट ५ गतेसम्म उनी हराएको खबर प्रहरीलाई दिएनन् । ममता हराएको तीन सातापछि मात्रै प्रहरीले नरेशलाई पक्राउ गरेको थियो ।
