ग्यास स्टेशनमा गोली लागेर मारिएका दीपकका हत्यारा पक्राउ
पेन्सिल्भेनिया । नेपालका दीपक वलीको हत्यामा संलग्न २ जनालाई अमेरिकाको म्याक्लेनान काउन्टी शेरिफको कार्यालयले पक्राउ गरेको छ ।
उनीहरुलाई दुई ट्रक स्टपहरूमा लुटपाट गर्ने र नेपालका वलीलाई गोली हानेर हत्या गरेको अभियोगमा पक्राउ गरेको हो ।
जुलाई २८ मा टेक्ससको वेको सिटी नजिक हाइवे ३५ को एक्जिट ३४६ मा रहेको ग्यास स्टेसनमा काम गरिरहेका दीपकको गोली लागेर हत्या भएको थियो ।
वलीलाई २२ वर्षीय क्रिस्टोफर म्याथ्यू बेल्ट्रानले गोली हानेको पुष्टि भएको छ । बेल्ट्रान र २५ वर्षीया मिका ह्यारिस दुवैलाई हत्या र डकैतीको अभियोगमा पक्राउ गरिएको हो ।
