अमेरिकामा तीन ठाउँमा डा. गोविन्द रिजालको श्रद्धाञ्जली सभा हुँदै

पेन्सिल्भेनिया/ अमेरिकाका तीन शहरमा नेपाली भाषी भुटानी आन्दोलनमा युवा नेता तथा कृषि वैज्ञानिक डा. गोविन्द रिजालको श्रद्धाञ्जली सभा आयोजना गरिने भएको छ। 

नेपाल स्थित त्रिभुव विश्व विद्यालय अन्तर्गत कृषि संकायका सहायक प्राध्यापक रिजालको मे ५ तारिख कीर्तिपुरमा सडक दुर्घटनामा निधन भएको थियो। 

डा. रिजालको निधनले विश्वभर रहेका नेपाली भाषी भुटानी समुदाय स्तब्ध बनेको थियो। 

भुट्नीज कम्युनिटी ह्यारिसबर्गले तत्काल नै शोक विज्ञप्ति जारी गरेको थियो। 

स्वर्गीय डा. रिजालको पेन्सिल्भेनियाको ह्यारिसबर्गमा डेरी स्ट्रिटमा (5610 derry st. harrisburg,Pa 17111)  मे १८ तारिख दुई बजे श्रद्धाञ्जली सभा राखिएको छ। 

यसै गरी ओहायो राज्यमा पनि दुई ठाउँमा श्रद्धाञ्जली सभा आयोजना गरिएको छ। ओहायोका रेनोल्ड्सबर्ग र फेयरफिल्ड कार्यक्रम हुने छ।