ग्रेटर अस्टिन नेपाली समाजको पिकनिक कार्यक्रम सम्पन्न
हुट्टो, टेक्सस/ नेपाली नयाँ वर्ष २०८१ लाई स्वागत गर्दै ग्रेटर अस्टिन नेपाली समाजले हुट्टोमा आइतबार पिकनिक कार्यक्रम सम्पन्न गरेको छ ।
नयाँ वर्षको शुरुमा संस्थाको अधिवेशन परेकोले पिकनिक कार्यक्रम केही पछि सारिएको आयोजकको भनाई छ। ग्रेटर अस्टिनको हुट्टो स्थित वुशी क्रिक एम्फिथिएटर पार्कमा पिकनिक सम्पन्न गरिएको हो ।
कार्यक्रममा गीत सङ्गीत, नाचगान, विभिन्न खेलकुद एवं हाजिरी जवाफ प्रतियोगिता गराइएको थियो । खेलकुदमा बालबालिकाको दौड, म्युजिकल चियर, बिङ्गो, छेलो फाल्ने खेल खेलाइएको थियो ।
कार्यक्रममा करिब चार सय मानिसको सहभागिता रहेको आयोजकले दाबी गरेका छन् ।
पिकनिक कार्यक्रमले अधिवेशनमा वेला नेतृत्व लगायत विधि र प्रक्रिया सुधार्न निकै तातेको ग्रेटर अस्टिन नेपाली समाजको माहौल बिस्तारै शान्त हुँदै गएको सन्देश दिएको छ ।
संस्थाले अमेरिकामा पहिलो र सुन्दर पशुपतिनाथको ऐतिहासिक मन्दिर निर्माण सम्पन्न गरेपछि संस्था प्रतिको आकर्षण बढेको छ ।
