राष्ट्रिय वाणिज्य बैंकले किकेट टिमलाई गर्यो नगदसहित सम्मान
काठमाडौं । राष्ट्रिय वाणिज्य बैंकले नेपाली राष्ट्रिय क्रिकेट टोलीलाई सम्मान गरेको छ ।
काठमाडौंमा आज आयोजित एक कार्यक्रमकाबीच बैंकले हालै सम्पन्न एसीसी प्रिमियर कप विजेता टोलीका खेलाडीहरुलाई जनही १ लाख र अफिसियलहरुलाई जनही ५० हजारसहित सम्मान गरेको हो ।
सम्मान कार्यक्रममा नेपाल क्रिकेट संघ क्यानका अध्यक्ष चतुरबहादुर चन्दले यस्ता सम्मानले खेलाडी र खेल अधिकारीको मनोबल बढ्ने विश्वास व्यक्त गरे ।
त्यस्तै नेपाली क्रिकेट टोलीका कप्तान रोहित पौडेलले, आफूहरुले राष्ट्रिय जर्सी लगाउन पाउनु नै गर्वको कुरा भएको भन्दै यस्ता सम्मानले झनै जिम्मेवार बन्न प्रेरित गर्ने भनाई राखेका थिए ।
