सफलताको सूत्र
नेत्र बन्धु पोखरेल
एक जना सत्तामा पुगे पछि असफलता व्यहोरीरहेका नेता अरू केही उपाय नलागे पछि गुरुको सरणमा पुगेछन् अनि गुरुलाई भनेछन् गुरु मैले राम्रो काम गर्छु भन्छु तर म असफल भइरहेको छु । जताततै मेरो आलोचना भइरहेको छ । मलाई सफलताको सूत्र बताई दिनु ।
गुरुले चेलालाई भने अचेल ज्ञान दिनु, पनि बेकार छ सुन्छन् जीवनमा लागु गर्दैनन् के साँच्चै तिमी भने अनुसार गर्छौ त? नेताले भने सफलता मिल्छ भने किन नगर्नु गर्छु नि । चेला नेतालाई गुरुले भने धेरै नेताहरू त आफू असफल भई रहेको पनि थाहा पाउँदैनन् । चाकडी गर्नेहरूको घेरामा आफ्नो जय जयकार मात्र भएको देख्छन् ।
तिमीले आफू असफल भएको थाहा त पायौ । त्यसैले अरू भन्दा तिमी अलि फरक रहेछौ । म तिमीलाई सूत्र बताई दिन्छु भन्दै चेलालाई आदेश दिए । तिमी यो सिधा बाटोमा एक किलोमिटर दौडेर जाऊ अनि फनक्क फर्केर सिधै दौडेर यहाँ आउँ ।
गुरुको आज्ञा अनुसार शिष्य उत्तरतिर दौडिरहेको थियो । हावाको गति पनि दक्षिणबाट उत्तर तर्फ नै थियो ।
हावाले धावकको पछाडिबाट धकेलेको कारण गति लिन सरल भएको थियो भने शीतलता पनि दिइरहेको थियो तर शिष्यलाई यसको पत्तै थिएन ।
जब उ फनक्क फर्केर दक्षिण तर्फ दौडन थाल्यो । दक्षिणतिर बाट बहेको हावाले उसको चेहरा लगायत अगाडिको भागमा शीतलता प्रदान गर्यो । हावा उसको दौडाइको उल्टो दिशामा भएकोले केही अवरोध त हुने नै भयो । तर पनि उसले अवरोध महसुस पनि गरेन र शीतलता महसुस गरिरह्यो ।
फर्केर आएपछि गुरुले सोधे तिमी उत्तरतिर जाँदा सजिलो महसुस भयो कि दक्षिणतिर जाँदा ?
हावाले कता जाँदा बढी सहयोग गर्यो शिष्यले उत्तर दियो दक्षिणतिर फर्कँदा सजिलो भयो हावाले राहत दियो ।
गुरुले सोधे, हावा कुन दिशाबाट कुन दिशा तर्फ बहेको थियो ?
शिष्यले उत्तर दियो हावा दक्षिणबाट उत्तर तर्फ बहिरहेको थियो ।
गुरुले फेरी सोधे हावाको गति कम बढी थियो कि ?
शिष्यले उत्तर दियो थिएन ।
तब गुरुले शिष्यलाई भने हेर तिमीलाई हावाले पछाडिबाट गति लिन सहयोग गरिरहेको थियो । पछाडिबाट शीतलता पनि दिइरहेको थियो त्यो थाहै पाएनौ । जब अगाडिबाट हाव लाग्यो त्यो थाहा पायौ । राजनीतिमा पनि तिम्रो व्यवहार त्यस्तै भएको छ ।
तिमीलाई पछाडिबाट सहयोग गर्ने धेरै जना थिए, उनको तिमीले मतलब गरेनौ, जसले तिमीलाई अगाडि बढाइरहेका थिए, निस्वार्थ तिमीलाई सहयोग गरिरहेका थिए, तिम्रो प्रगति चाहन्थे ।
तर जब तिमी सत्तामा पुग्यौ तिमीलाई अवरोध नै गरेका किन नहोउन् अगाडि आएर चाकडी गर्न थाले र तिमी उनीहरूलाई नै विश्वास गर्यौ । उनीहरूलाई नै आफ्नो ठान्यौ ।
उनीहरूको स्वार्थमा काम गर्न थाल्यौ त्यसैले तिमी असफल भएका हौ । जाऊ तिमीलाई सहयोग गर्नेहरू जो तिम्रो चाकडीमा आउँदैनन् तिनलाई भेट उनीहरूको सल्लाहमा काम गर तिमी सफल हुनेछौ ।
र यो पनि…
