August 22, 2026

न्यू योर्क क्विन्स अस्टोरियामा नयाँ नेपाली रेस्टुरेन्ट, बिहान ३ बजेसम्म खुल्ने

समाज टाइम्स अर्थ

अस्टोरिया, न्यू योर्क / न्यू योर्कको अस्टोरियामा नयाँ नेपाली रेस्टुरेन्ट सञ्चालनमा आएको छ। कोलोराडोमा ६ वटा तथा सान फ्रान्सिस्को र मिजुरीमा सफलतापूर्वक स्थापित भइसकेको ब्रान्ड ‘गाया मसाला एन्ड बर्गर’ ले आफ्नो नयाँ शाखाका रूपमा न्यू योर्कमा सेवा विस्तार गरेको हो।

क्विन्स, अस्टोरियास्थित ३३-११ ब्रोडवे (33-11 Broadway, Astoria, Queens) मा रहेको यस रेस्टुरेन्टले भोलिदेखि आफ्नो ‘ग्रान्ड ओपनिङ’ (Grand Opening) गर्दै छ।

नेपाली सञ्चालक तथा सेफद्वय हिरा कुँवर र नन्दलाल न्यौपानेले आफैँले तयार पारेको विशेष फ्युजन मेनुलाई नेपालीहरूको बाक्लो उपस्थिति रहेको क्विन्स सहरमा विस्तार गरेका हुन्।

सञ्चालक सेफ कुँवर र न्यौपानेले नेपाली, इन्डियन र अमेरिकन खानाका परिकारहरूमा प्रयोग हुने ससदेखि हरेक पक्षको सूक्ष्म परीक्षण र बजारीकरण आफैँले गरेका छन्। यहाँ ७ प्रकारका मःमः, चाउमिन, टिक्का मसाला, चिजस्टेक, बर्गर र नानसहित झन्डै ४० वटा स्वादिष्ट परिकारहरू उपलब्ध छन्।

सेफ न्यौपानेका अनुसार न्यु योर्कका अधिकांश नेपाली रेस्टुरेन्टहरू प्रायः राति ११ बजेपछि बन्द हुने गर्छन्। त्यसैले राति अबेरसम्म काम गर्नेहरू र रात्रिकालीन खानाका पारखीहरूका लागि बिहानको ३ बजेसम्म खुल्ने यो रेस्टुरेन्ट निकै सहज हुनेछ।

ग्रान्ड ओपनिङका अवसरमा भोलि र पर्सि खानामा ३५ प्रतिशत र पेय पदार्थ (Drinks) मा ५० प्रतिशत विशेष छुटको व्यवस्था गरिएको छ। यसका साथै, उबर (Uber) चालकहरूका लागि वर्षैभरि १० प्रतिशत छुट उपलब्ध रहने जानकारी सञ्चालकले दिएका छन्।