अक्टोबर ११, २०२५

एनआरएनएमा कागजी होइन, भावनात्मक एकता आवश्यक छ : कुल आचार्य

काठमाडौं । गैर आवासीय नेपाली संघ (एनआरएनए)का अभियन्ता कुल आचार्यले एनआरएनएबिचको एकता भावनात्मक हुनुपर्ने बताएका छन् ।

एनआरएनए डेका अवसरमा शनिबार शुभकामना सन्देश दिँदै उनले भनेका छन्,‘देशको विषम परिस्थितिमा हामी एक हुनुको विकल्प छैन। तर एकता भावनात्मक हुनुपर्छ, कागजी एकताले समस्या समाधान हुँदैन। सबै पक्षले इमानदारीपूर्वक लागेमा मात्रै दिगो एकता सम्भव हुन्छ। आजको दिनले हामी सबैलाई आ–आफ्नो व्यक्तिगत स्वार्थ भन्दा माथि उठेर संस्था र सम्पूर्ण एनआरएनहरूको हितमा काम गर्न प्रेरित गरोस्।’

गैर आवासीय नेपाली नागरिकताको मुद्दा स्थापित गराएका आचार्यले स्वदेशको सम्पत्ति विदेश लैजान नहुने अभियान चलाइरहेका छन् ।