मध्यपूर्व तनाव र बाइडेनको टिप्पणीका कारण तेलको मूल्य वृद्धि

पेन्सिल्भेनिया। मध्यपूर्वमा बढ्दो तनावका कारण तेलको मूल्यमा वृद्धि भएको छ। अमेरिकी राष्ट्रपति जो बाइडेनले इजरायल र इरानबीचको सम्भावित द्वन्द्वबारे टिप्पणी गरेपछि तेलको मूल्यमा पाँच प्रतिशतभन्दा बढीले वृद्धि भएको हो।

ब्रेन्ट क्रुडको मूल्य प्रतिब्यारेल ७७.६२ डलर पुगेको छ भने अमेरिकी वेस्ट टेक्सास इन्टरमिडिएट पनि बढेको छ। यस्तो मूल्य वृद्धिको प्रमुख कारण इरानद्वारा इजरायलमाथि मिसाइल आक्रमणको खबर र त्यसको सम्भावित जवाफी कारवाहीलाई मानिएको छ।

यस द्वन्द्वले व्यापक क्षेत्रीय युद्धको डर पैदा गरेको छ, जसले तेलको आपूर्तिमा प्रभाव पार्नसक्ने आशंका लगानीकर्ताहरूले गरेका छन्।

सेयर बजारमा भने गिरावट देखिएको छ। अमेरिकी, युरोपेली, र एशियाली बजारमा शेयर सूचकांक घटेका छन्। अमेरिकी डलरले सुरक्षित आश्रयको रूपमा मूल्य वृद्धि अनुभव गरिरहेको छ, विशेषगरी बेलायती पाउन्ड र येनको तुलनामा।

यसैबीच, ओपेक प्लसले डिसेम्बरदेखि तेल उत्पादन बढाउने निर्णय गरेको छ, जसले आपूर्ति चिन्तालाई केही हदसम्म कम गर्ने अपेक्षा गरिएको छ।