सुनको मूल्यमा नयाँ रेकर्ड: तोलामा १ लाख ५६ हजार बढी
काठमाडौँ। नेपाली बजारमा सुनको मूल्यले नयाँ रेकर्ड कायम गरेको छ। शुक्रबार, सुनको मूल्य तोलामा ३ हजार रुपैयाँले वृद्धि भई तोलाको मूल्य १ लाख ५६ हजार ३ सय रुपैयाँ पुगेको छ, जुन अहिलेसम्मकै उच्च मूल्य हो।
यसअघि, भदौ २६ गते सुनको मूल्य १ लाख ५३ हजार ४ सय रुपैयाँको रेकर्डमा पुगेको थियो। यसपटकको वृद्धि यसका पछिल्ला मूल्यहरूको तुलनामा उल्लेखनीय छ र यसले सुनको उच्च मूल्यको नयाँ युग सुरु गरेको जनाइँदै छ।
त्यस्तै, चाँदीको मूल्य पनि वृद्धि भएको छ। आज चाँदीको मूल्य ६५ रुपैयाँले बढ्दै प्रतितोला १८६० रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ।
सुन र चाँदीको मूल्य वृद्धिका कारण आर्थिक अनिश्चितता, अन्तर्राष्ट्रिय बजारको प्रभाव र स्थानीय माग र आपूर्तिको असन्तुलनलाई जिम्मेवार ठहराइएको छ।
