अमेरिकामा रहेका अर्का नेपाली मृत फेला
पेन्सिल्भेनिया । अमेरिकामा बसोबास गर्दै आएका ४७ वर्षीय नेपाली नागरिक शान्तलाल प्रधान मृत फेला परेका छन् । मेरील्यान्ड राज्यको अपर मार्लबोरोस्थित आफ्नो कोठामा गत मङ्गलबार उनलाई मृत अवस्थामा फेला पारिएको हो । २०१५ देखि अमेरिकामा रहँदै आएका प्रधानको मृत्युको कारण अझै खुल्न सकेको छैन, तर कुनै आपराधिक गतिविधिको संकेत पनि फेला परेको छैन ।
नेपालकाे चितवन भरतपुरमा गणित शिक्षकको रुपमा काम गरिरहेका बेला उनी सन् २०१५ मा अमेरिका आएका थिए । । अमेरिकामा आफ्नो बसाईको क्रममा विभिन्न चुनौतीहरूको सामना गरेका थिए । केही वर्षअघि टेक्सासमा उनलाई बन्दुक देखाएर लुटिएका थिए ।
२०१९ मा उनले एक गम्भीर स्नायुरोगको सामना गरे, जसले उनलाई छ महिना भन्दा बढी समयसम्म बेडबाट बाहिर निस्कन सकेनन् ।
संकलित रकमबाट प्रधानको शव नेपाल पठाउनका लागि आवश्यक खर्च, जसमा शव संरक्षित गर्ने खर्च, प्रक्रिया शुल्क, र हवाई भाडा समावेश छ, पूरा गरिनेछ। बाँकी रकम नेपालमा रहेका उनका शोकाकुल परिवारलाई अन्त्येष्टि खर्च र अन्य आर्थिक आवश्यकताका लागि प्रदान गरिनेछ।
