विश्वकप खेलेको नेपाली टिमलाई जनही ३ लाख प्रोत्साहन भत्ता

काठमाडौं । नेपाल क्रिकेट संघ (क्यान)ले अमेरिका र वेस्ट इन्डिजमा सम्पन्न आइसीसी टी-२० विश्वकपमा सहभागि नेपाली राष्ट्रिय पुरुष क्रिकेट टिमलाई नगदसहित सम्मान गर्ने भएको छ ।

बिहिवार बसेको क्यानको केन्द्रीय कार्यसमिति बैठकले सो निर्णय गरेको हो । गत विश्वकमा सहभागि खेलाडी र प्रशिक्षकले जनही तीन लाख पाउने भएका छन् भने टिमका ब्यवस्थापक लगायतले जनही एक लाख ५० हजार दिन क्याने जनाएको छ ।

उक्त विश्वकपमा नेपालले उत्कृष्ट प्रदर्शन गरेको भन्दै क्यानले सम्मान गर्न लागेको हो । सो विश्वकमा नेपाल बंगलादेशसँग २१ रन, नेदरल्यान्ड्सँग ४ विकेटले पराजित हुँदा रोमाञ्चक खेलमा दक्षिण अफ्रिकासँग एक रनले पराजित भएको थियो । यस्तै, श्रीलंकाविरुद्धको खेल भने बर्षाको कारण रद्द हुँदा एक अंक बाँडेको थियो।

यस्तै क्याने अन्य विभिन्न आठ वटा निर्णय पनि सार्वर्जनिक गरेको छ ।