काभा महिला लिग भलिबलको उपाधि भारतलाई, फाइनलमा नेपाल पराजित
काठमाडौँ / काभा वुमन्स नेसन्स भलिबलको उपाधि यात्रामा नेपालका लागि भारत नै बाधक बनेको छ। त्रिपुरेश्वर स्थित कवर्डहलमा बुधवार साँझ भएको फाइनलमा नेपाल भारत सँग तीन दुई सेटले पराजित हुन पुग्यो।
सेमिफाइनलमा इरानलाई ३–० को सोझो सेटले हराउँदै उपाधिको जितको पुगेको नेपाल फाइनलमा निर्णायक सेटमा निकै फितलो बन्यो।
भारतविरुद्ध नेपाल पहिलो सेटमा २५-२३ ले विजयी भएको थियो। दोस्रो सेटमा नेपाल १४-२५ ले पराजित भए पछि खेल एक एक सेटको बराबरीमा पुग्यो।
समूह चरणको खेलमा भारतलाई इतिहासमै पहिलो पटक हराएर उत्साहित महिला टिमले तेस्रो सेटमा २५-२२ ले जित्दै अग्रता लिएको थियो।
तर चौथो सेट २१-२५ ले पराजित भए पछि खेल पुन २-२ को स्थितमा पुग्यो। तर निर्णायक सेट नेपालले १५-५ ले गुमाउँदै उपाधिबाट वञ्चित भयो।
