हाइटीको मुख्य अन्तर्राष्ट्रिय विमानस्थल खुल्यो, सडक अवरुद्ध

पेन्सिल्भेनिया । हाइटीको मुख्य अन्तर्राष्ट्रिय विमानस्थल करिब तीन महिनामा पहिलो पटक पुनः सञ्चालनमा आएको छ। लगातार गिरोह-सम्बन्धित हिंसाका कारण अधिकारीहरूले मार्चको सुरुमा यसलाई बन्द गर्न बाध्य भएका थिए।

हाइटीको राजधानी पोर्ट ओ प्रिन्समा अवस्थित टुसेन्ट लुवरचर एयरपोर्ट सोमबारदेखि पुन: खोल्नुले औषधि र अन्य आधारभूत सामानहरूको गम्भीर अभावलाई कम गर्न मद्दत गर्ने सम्भावना छ।

देशको मुख्य बन्दरगाह भने अझै बन्द छ । तर, हाल पोर्ट ओ प्रिन्सबाट आन्तरिक उड्डयन सेवा प्रदायक सनराइज एयरवेजले मात्र उडान गरिरहेको छ । अमेरिकी एयरलाइन्सहरूले मेको अन्त्य वा जुनको शुरुमा आफ्नो सेवा पुनः सुरु गर्न सक्ने छन् ।

सोमबार खोल्नु अघि, हाइटीमा सञ्चालनमा रहेको एकमात्र एयरपोर्ट उत्तरी तटीय शहर क्याप-हाइटियनमा रहेको थियो । तर यो देश छोड्न चाहनेहरूको पहुँच बाहिर थियो किनभने पोर्ट ओ प्रिन्सदेखि क्याप-हाइटियनसम्मका सडकहरू कार र बसहरूमा गोली हानेका गिरोहहरूद्वारा नियन्त्रित छन्।