अमेरिकाले कतार र टर्कीमा अन्तर्राष्ट्रिय फिल्ड अफिस खोल्ने

वासिङ्टन / संयुक्त राज्य अमेरिका नागरिकता र अध्यागमन सेवा (युएससीआइएस ) ले कतारको दोहा र टर्कीको अंकारामा अन्तर्राष्ट्रिय क्षेत्रीय कार्यालय खोल्ने घोषणा मंगलवार गरेको छ।

शरणार्थी प्रशोधनका लागि क्षमता वृद्धि गर्न, रणनीतिक साझेदारीलाई सुदृढ गर्न र अन्तर-एजेन्सी सहयोगलाई सहज बनाउन कतारमा र टर्कीमा कार्यलय खोल्न लागिएको युएससीआइएसद्वारा जारी विज्ञप्तीमा उल्लेख गरिएको छ।

“यी क्षेत्रीय कार्यालयहरू खोल्नुले मध्य पूर्वका महत्वपूर्ण स्थानहरूमा युएससीआइएसको उपस्थिति र विशेषज्ञता स्थापित गर्छ।” युएससीआइएसका निर्देशक उरमले जारी विज्ञप्तीमा भनेका छन्।

विज्ञप्तीमा अगाडी भनिएको छ,”सुरक्षित, कानुनी र व्यवस्थित बसाइसराइ र पारिवारिक पुनर्मिलनलाई सहज बनाउन बाइडेन-ह्यारिस प्रशासनको प्रयासप्रति हाम्रो प्रतिबद्धताको एक हिस्सा हो।”

“कतार र टर्कीमा हाम्रो उपस्थितिले संयुक्त राज्य अमेरिका बाहिर युएससीआइएसको पदचिह्न विस्तार गर्दछ, हाम्रो मानवीय मिशनलाई समर्थन गर्दछ, र अमेरिकी अध्यागमन प्रणालीको अखण्डतालाई बलियो बनाउँछ।”विज्ञप्तिमा भनिएको छ।

बाइडेन-ह्यारिस प्रशासनले आर्थिक वर्ष २०२४ को लागि शरणार्थी भर्नाको सीमा एक लाख २५ हजार तोकेको छ। कतार र टर्कीमा युएससिआइएस क्षेत्रीय कार्यालयहरू स्थापना गर्नाले यस क्षेत्रमा अमेरिकी शरणार्थी प्रवेश कार्यक्रमको पूर्वाधारलाई समर्थन गर्ने जनाइएको छ।

“यसले लामो समयदेखि स्थापित र बढ्दो युएससीआइएस शरणार्थी प्रशोधन चापलाई प्रत्यक्ष रूपमा समर्थन गर्नेछ” विज्ञप्तिमा भनिएको छ, ‘कतार एक महत्वपूर्ण स्थान र क्षेत्रीय शरणार्थी प्रशोधन केन्द्र हो। अमेरिकी राज्य विभागको जनसंख्या, शरणार्थी र आप्रवासन (पीआरएम) ब्यूरोका शरणार्थी संयोजकहरू साथै मध्य पूर्व र उत्तर अफ्रिकाका लागि पुनर्वास समर्थन केन्द्रको उपकार्यालय, पहिले नै कतारमा छन्।’

युएससीआईएसको दोहा फिल्ड अफिस क्याम्प अस सायलियामा रहेको अमेरिकी दूतावासको सुविधामा अवस्थित हुनेछ र कर्मचारीहरूले समय-समयमा कतारस्थित अमेरिकी दूतावासमा निर्धारित अपोइन्टमेन्टका लागि जनतासँग भेट गर्नेछन्।

टर्की एक महत्वपूर्ण स्थान र क्षेत्रीय शरणार्थी प्रशोधन केन्द्र पनि हो। टर्की र मध्य पूर्वका लागि पुनर्वास सहायता केन्द्रको मुख्यालय टर्कीमा छ, जस्तै पीआरएम शरणार्थी संयोजकहरू र शरणार्थीहरूको लागि संयुक्त राष्ट्र उच्चायुक्तको क्षेत्रीय कार्यालय। युएससीआइइसको अंकारा फिल्ड अफिस अमेरिकी दूतावास अंकारामा अवस्थित हुने जनाइएको छ।

युएससीआइइस कर्मचारीहरूले राज्य विभागका कन्सुलर कर्मचारीहरूबाट फारम आइ-७३०, शरणार्थी/एसाइली रिलेटिभ पिटिशन प्रशोधन गर्ने, केही धोखाधडी पत्ता लगाउने-सम्बन्धित गतिविधिहरूमा सहयोग गर्ने, र अन्य सीमित सेवाहरू प्रदान गर्ने जिम्मेवारी लिनेछन्।

दुबै स्थानमा सेवाहरू अपोइन्टमेन्ट द्वारा मात्र उपलब्ध हुनेछन्। युइससीआइएसले क्षेत्रीय कार्यालयहरू, सेवाहरू र अपोइन्टमेन्टहरू बारे जानकारी समावेश गर्न अन्तर्राष्ट्रिय अध्यागमन कार्यालयहरूको वेबपेज अद्यावधिक गर्ने जनाइएको छ।

मे ७, २०२४ मा दोहा फिल्ड अफिस र मे ९, २०२४ मा अंकारा फिल्ड अफिस खोल्दा, युइससीआइसीका ११ अन्तर्राष्ट्रिय फिल्ड अफिसहरू हुनेछन्।