करातेका विप्लवलाल पदक जित्न असफल
काठमाडौं । १९ औं एसियाली खेलकुद प्रतियोगितामा करातेका खेलाडी विप्लवलाल श्रेष्ठ पदक जित्न असफल छन् ।
करातेका विप्लवलाल ८४ केजी माथिको तौल समूहमा तेस्रो स्थानको प्रतिस्पर्धामा साउदी अरेबियाका खेलाडीसँग पराजित भएका हुन् ।
साउदीका तरेगी अली मोहम्मद हमेदीसँग ९–१ अंकले विप्लबलाल स्तब्ध बने । पहिलो खेलमा ताजकिस्तानका खेलाडीलाई पराजित गरेकाले तेस्रो स्थानको प्रतिस्पर्धामा पदकको आशा गरिएको थियो ।
उनले १३ औं सागमा भने स्वर्ण पदक जितेका थिए ।
