राहुल केसीको अध्यक्षतामा इनास अमेरिकाको नयाँ टिम निर्विरोध
मेरील्याण्ड,अमेरिका / अन्तर्राष्ट्रिय नेपाली कलाकार समाज (इनास ) अमेरिकाको अध्यक्षमा राहुल केसी निर्वाचित भएका छन् ।
मेरील्याण्ड आइतबार सम्पन्न राष्ट्रिय अधिवेशनबाट राहुल केसी अध्यक्षतामा १३ सदस्यीय कार्यसमिति निर्विरोध घोषणा गरिएको हो।
केसी यस अगाडि निवर्तमान महासचिव हुन्। समितिको वरिष्ठ उपाध्यक्षमा सृजन ताम्राकार चयन भएका छन्। उपाध्यक्षमा रिता श्रेष्ठ र अंकुश नेपालले जिम्मेवारी पाएका छन्।
प्रकाश नेपाल महासचिवमा चयन भए। दीनेश कार्की कोषाध्यक्ष तथा सह- कोषाध्यक्षमा मनिष शर्मा छन् ।
यसै गरी कार्य समिति सदस्य तथा प्रवक्तामा गोपालचन्द्र लामिछाने चयन भए।
सदस्यहरूमा अनिल तिमल्सेना, अरुणा कार्की ,गोपाल अधिकारी अमिता लामा तथा विश्व पौडेल रहेका छन्।
अधिवेशनले विभिन्न राज्य समितिमा पदाधिकारी, सदस्यको पनि निर्विरोध चयन गरेको छ।
केन्टकीमा गोपाल नेपाल फिस्टे , मेरील्याण्डमा लक्ष्मण पौडेल , भर्जिनियामा अर्जुन घिमिरे राज्य कमिटी अध्यक्ष निर्वाचित भएका छन् ।
यस अगाडि प्रमुख अतिथि तथा इनास विश्व(ग्लोबल)की उपाध्यक्ष सबु गदाल कार्की तथा नेपाली मूलका मेरील्याण्डका राज्य सभा सदस्य डा ह्यारी भण्डारीले पानसमा बत्ती बाली राष्ट्रिय अधिवेशन सुरु गरेका थिए ।
अधिवेशनमा रजतपट कार्यक्रम प्रस्तोता प्रकाश सुबेदी, गायक तुलसी पराजुली ,नायक रमेश उप्रेती तथा गायिका प्रविशा अधिकारीलाई विशेष सम्मान गरिएको थियो।
२०२१-२०२३ का अध्यक्ष कन्हैया सिंह परियारले आफ्नो मन्तव्य राख्दै २०२१-२०२३ को समितिलाई विघटन गरेका थिए।
