अमेरिकीहरूको खुसी जुलाई चार: कमल खनाल*
नर्थक्यारोलोना,अमेरिका / जुलाई ४ अमेरिकाको स्वतन्त्रता दिवस। सार्वजनिक बिदा भएकोले पहिलो रातमा नै फायर्रवर्क गर्ने र भोलिपल्ट सामुन्द्रिक तटीय क्षेत्रमा गएर समुन्द्रको आनन्द लिने योजना बनेको थियो पहिलो रातको ९ बजे तिर। जुलाई ४ लाई स्वागत गर्न मध्यरातको प्रतीक्षामा थियो अमेरिका।मध्यरातमा हामीले पनि फार्यरवर्क गर्यौ।अमेरिका ननिदाईकन उत्सव मनाउँदै थियो। ब्रिटिसको दाशत्वबाट मुक्त भएको दिन खुसी स्वाभाविक थियो अमेरिकी जनतामा।
अमेरिका स्वतन्त्र भएको घोषणा
जब अमेरिकी रिभोलुसनरी वार १७७५ समाप्त भयो त्यस पछि ग्रेटब्रिटेनका मातहतमा रहेका कोलोनीहरू स्वतन्त्र हुने कसरतमा लागे। यसै समयमा जुन ७ मा भर्जिनियाका डेलिगेट्स रिचर्ड हेनरी ली ले ब्रिटिस कोलोनिजका रूपमा रहेको अमेरिकालाई स्वतन्त्र घोषणा गराउने प्रस्ताव कन्टिनेन्टल कङ्ग्रेसमा पेस गरे त्यहि प्रस्तावमा कंग्रेसमा भोटिङ्ग भयो। दुई दिन पछि जुलाई मा कङ्ग्रेसले स्वतन्त्र घोषणा गर्नका लागि ड्राफ्ट कमिटी बनायो। स्वतन्त्र हुनु पर्ने व्याख्या र कारण सहित लामो ड्राफट तयार गरियो।
उक्त ड्राफ्ट कमिटीको जिम्मा -थोमस जेफर्सन,जोन एड्याम्स,बेन्जामिन फ्रेकंलिन,रोगर सेर्मन र विलियम लिभिगंस्टनहरूलाइ दिइयो। उनिहरूद्धारा तयार गरेको ड्राफ्टलाई दोस्रो कन्टिनेन्टल कंग्रेसमा पेस गरियो र त्यहि ड्रार्फट्लाइ कङ्ग्रेसले पास गरे पछि १७७६ जुलाई ४ मा अमेरिका ब्रिटिस को कोलोनीबाट स्वतन्त्र भएको घोषणा गरिएको थियो। जुलाई ४ ,१७७६ मा स्वतन्त्र हुने घोषणा पास भए पछि १९४१ बाट स्वतन्त्रता दिवस मनाउन प्रारम्भ गरियो।
फेडरल गभर्मेन्टले दिने ११ बिदाहरू
अमेरिकामा फेडरल गभर्मेन्टले प्रत्येक वर्ष सरकारी र गैह्र सरकारी कामदारहरूलाई दिइने ११ वटा बिदाहरूमा जुलाई ४ सब भन्दा महत्वको बिदाका रूपमा सम्झने गरिन्छ। यसरी नै अन्य बिदाहरूमा प्रेसिडेन्ट डे चाहिँ प्रत्येक चार बर्समा फेब्रुअरी २० मा मात्र दिइन्छ त्यो पनि वासिङ्टन डिसी, मेरील्याण्ड र भर्जिनियाका सरकारी कर्मचारीहरूलाई मात्र दिइने गरेको छ। अमेरिकामा वार्षिक रूपमा फेडेरल होलिडे मनाउने गरे पनि प्राइभेट कम्पनीमा काम गर्ने कामदारहरूलाई भने फेडेरल “ल” ले रेगुलेट गरेको पाइँदैन। तर कहिलेकाहीँ यिनै फेडरल होलिडेहरूमा पनि पेड टाइम अफ(पी टी ओ) दिने गरेका भने हुन्छन्। म्यासाचुचेस्ट र रोड आइल्सयाण्ड राज्यमा भने प्राइभेट कम्पनीमा काम गर्ने कामदारहरूलाई समेत फेडरल होलिडेको नियम लागु भएको पाइन्छ।
११ फेडेरल होलिडे मध्ये
नयाँबर्ष जनवरी १
मार्टिनलुथरकिंग मन्डे जनवरी १६
प्रेसिडेन्ट डे मन्डे फेब्रुअरी २०
मेमोरियल डे मन्डे मे २९
जुनटिन्थ (नेस्नल इन्डिपेन्डेन्ट डे) फ्राइडे जुन १९
इनडिपेन्डेन्ट डे टियूसडे जुलाई ४
लेबर डे मन्डे सेप्टेम्बर ४
इन्डिजेनिअस पिपलस डे( कोलम्बस डे) मन्डे अक्टोबर ९
भेट्रान्स डे स्याटर डे नोभेम्बर ११(आर्मी डे)
थ्यागंसगिभिगं डे थ्रस्डे नोभेम्बर २३
क्रिसमस डे मन्डे डिसेम्बर २५ पर्दछन् भने
मर्दस डे मे १४ र फादर्स डे जुन १८ लाई पनि महत्त्व दिइन्छ तर सार्वजनिक बिदा भने दिइँदैन।
अमेरिका भन्दा बाहिर एउटा मात्र देश डेनमार्क जसले ४ जुलाई लाई उत्साह पूर्वक मनाउने रहेछ।
साङ्गीतिक साँझ र फार्यरवर्कस
दिउसो देखिनै पटकाहरू ल्याएर राखिएको थियो। त्यस रातको ११ बजे राति सम्म सञ्जीवको एकल म्युजिक कार्यक्रम थियो। ११ बजे राति सम्म साङ्गीतिक कार्यक्रममा रमाइयो स्वीमिगंपुलको एरिना भित्र। १२/१५ जनाको जमघट थियो स्वतन्त्रता दिवसलाई रमाइलो किसिमले मनाउन तयारी भइरहेको थियो।
१२ बझ्न केहि मिनट बाँकी थियो
समीप,सुशान्त र वीरेन्द्रले पटकाहरू ल्याएर सडकमा राखे। पटका पट्काउन सुरु भयो। विभिन्न स्थानमा पड्काएको पटकाको आवाज आउन थाल्यो। हामीले पनि सुरु गर्यौ। पटका एक पछि अर्को गरी माथि माथि पुगेर पड्कन थाले रमाइलो भइरह्यो।
स्वतन्त्रता दिवसलाई स्वागत गरिरहेकै समयमा दुई तर्फको बाटोबाट पुलिसका गाडीहरू साइरन दिँदै हामी भएको ठाँउमा आइपुगे। पुलिस हतार हतार गाडीबाट झरे सुशान्त र समीप जो पट्का पड्काइ रहेका थिए उनीहरू पुलिसको नजिक गए। पुलिसले भने यो कमूनिटीबाट चार पटक फोन आयो कम्युनिटीमा गर्न नपाइने काम तिमिहरूले गरेका छौ। धेरैले कम्प्लेन गरेका छन्।
यो रेष्टेक्टेड एरिया हो यहाँ छिमेकीलाई डिस्टर्ब हुने गरी केही गतिविधि गर्न पाइँदैन। काउन्टीले तोकेको स्थानमा मात्र पड्काउन पाइन्छ। तिमिहरूलाई टिकट दिने अधिकार छ भने पछि हामीले ठुलो गल्ती गरिसकेका रहेछौ भन्ने महसुस गरियो। अनि निर्दोष साबित हुन अन्जान बन्यौ। पुलिसलाई विश्वास दिलाउन सफल भयौ। समय नमिलेको, गैह्र कानुनी काम गरेको चार्ज हामी माथि लगाइयो। पुलिसलाई कन्भिन्स गर्यौ र हामी सुरक्षित बन्यौ। साच्चैनै स्वतन्त्रता दिवस मनाउँदा जेलसम्म पुग्न सक्ने परिस्थितिबाट हामी स्वतन्त्र भयौ। टिकट पाउने परिस्थितिबाट पनि हामी स्वतन्त्र भयौ। यो सबै पुलिसको सुझबुझका कारणले भएको थियो।
पुलिस त्यति वेला सम्म बसे जतिवेला हामीले मैदान छाडेका थिएनौ। पुन यस प्रकारको काम नगर्ने सर्तमा पुलिस र हामी बिच सहमति भयो। हामीले रमाइलो गर्दा धन्नै नरमाइलो क्षणको आमन्त्रण भएको थियो।
सबै आ-आफ्नो बासस्थान तिर लाग्यौ। कमूनिटी भित्र बसोबास गर्ने केही व्यक्तिहरूको उजुरीमा पुलिसहरू आएका रहेछन्। समय १२ बजेर अगाडी बढिसकेको थियो। आआफन्नो घरतिर लाग्यौ गएर सुत्यौ। भोलि पल्ट स्वतन्त्रता दिवस जुलाई ४ घनघोर उज्यालो सहित आउदै थियो।अमेरिकनहरूले अमेरिकी स्वतन्त्रता दिवसलाई अत्यन्तै खुशीर्ले मनाउने गर्दा रहेछन्।त्यस दिन ग्याँसको मूल्य पनि घटिरहेको थियो। घुम्नजानेहरूका लागि ग्यासको मूल्य घट्नु पनि एउटा सुविधा थियो।
विलमिगंटन बिच
हामीले जुलाई ४ मा समुन्द्रको तटीय आनन्द लिने सोच बनायौ र विलमिगंटन बिच गयौ। करिब १.३० घण्टाको बाटो थियो। हामी १२.३० मा विलमिगंटन बिच पुग्यौ। बिदाको दिन भएर होला गाडी पार्किगंको समस्या भयो। आधा घण्टा जति पार्किगंको व्यवस्थापनमा समय खर्चियौ। मानिसहरूको ठुलो भीडले सामुन्द्रिक किनाराहरू ढाकिएका थिए। सबै बन्दोबस्तका साथ तटीय क्षेत्र अकुलाइ भइसकेको थियो। हाम्रो तयारी त्यति राम्रो थिएन। २/३ घण्टाको समय समुन्द्रको पानीमा खेल्ने र फर्कने सोचमा थियौ।
प्रचण्ड गर्मी भएकै कारणले होला सबै मानिसहरूलाई सामुन्द्रिक तटमा पुर्याएको थियो। गाडी पार्किगं पछि समुन्द्रमा पौडिने तयारीमा समुन्द्रको किनारमा पुग्यौ। हामीले कपडा समेत राख्ने ठाँउ पाएनौ। तर पनि एउटा छेउमा ब्याग राखेर समुन्द्रको तातो र नुनिलो पानीमा पुग्यौ र केहिबेर सम्म सामुन्द्रिक छालको वेभ सँगै हामीले पनि गति मिलाउँदै सामुन्द्रिक छालसँगै रमायौ। समुन्द्रको पानीमा रमाइ रहेकै बेला कालो बादल सहित ठुलो वर्षा भयो।
समुन्द्रको पानीबाट सबै मानिसहरू बाहिर निस्किए। हामी पनि निस्कियौ। ठुलो वर्षा भइरह्यो। आकासे पानीले राम्रैसँग भिजायो। ओत लाग्ने ठाउँ कतै थिएन। पानी ठुलो परेको हुनाले सामुन्द्रिक तटमा बसेका सबै मानिसहरूलाई पुलिस आएर हटायो। सामुन्द्रिक तटहरू खालि गराउने काम भयो। पुरै सामुन्द्रिक किनार एकै छिनमा खालि भयो। बन्दोबस्तका सामान सँगै जाने मानिसहरूलाई समस्या पर्यो। पानी परिनै रह्यो। अब पुनः समुन्द्रमा गएर पौडिने कुरा भएन। गाडीमा पुगेर तातो कपडा लगाइयो। घर फर्कने निर्णय गर्यौ। समुन्द्रको पानीमा धित मारेर पौडिने चाहनालाई प्रहरीको अवरोधले समुन्द्र लाई छोडेर हिँड्यौ डेढ घण्टाको यात्रा तय गर्यौ।
जुलाई ४ मनाउने र रमाइलो गर्ने हाम्रो सोचमा पुलिसको अब्जेक्सनले घर देखि समुन्द्रसम्म छोडेन वातावरण बिग्रियो।
अमन लेक
विलिगंटन बिचबाट फर्कियौ। समय बाँकी थियो हामीले अमन लेक जाने निर्णय लियौ। विलिगंटन बिचबाट ५० माइल दुरीमा रहेको अमन लेक जाने बाटो समात्यौ। नर्थ क्यारोलिनाका ५९ लेक मध्येको सबै भन्दा सुन्दर सफा लेक रहेछ अमन लेक राम्रो मध्येको पहिलो लेक रहेछ। हामी पुग्यौ लेकको प्रवेशद्वारमा सुरक्षाले हामीलाई सोध्यो।
आ .डी माग्यो र सामान्यतया बाहिरका मानिसहरूलाई प्रवेश दिँदो रहेनछ। स्थानीय समुदायबाट सञ्चालित लेक रहेछ। स्थानीय समुदायको मुख्य स्रोतका रूपमा रहेको यस लेकमा गल्फ कोर्स ,मरिना(डुङ्गा घाट)रहेछन् साथै स्यालिगं पावर बोटिङ्ग,क्यानोइगंर कायाकिगं गर्न सकिने लेक रहेछ। ३००० मानिसहरूको बसोबास भएको यस क्षेत्रको व्यवस्थित लेक रहेछ।
(*यस अगाडि असावधानिबस लेखको नाम गलत पर्न गएकोमा क्षमायाचना सहित सच्याइएको छ)
र यो पनि …
विद्यार्थी प्रतिको दायित्व, विश्व विद्यालय शिक्षा र खेलकुद : कमल खनाल
औपचारिकतामा भानु र अन्योलमा घांसी: कमल खनाल
July 26, 2023 @ 8:28 pm
[…] अमेरिकीहरूको खुसी जुलाई चार: कमल खनाल* […]