अमेरिकाको ह्यारिसबर्गमा पञ्चदिवसीय भगवद् प्राणप्रतिष्ठाको उद्घाटन (भिडियो)

ह्यरिसबर्ग,पेन्सिलभेनिया/ अमेरिकाको पेन्सिलभेनियाको राजधानी ह्यारिसबर्गमा पञ्चदिवसीय भगवद प्राणप्रतिष्ठाको शुक्रवार उद्दघाटन गरिएको छ।

श्रीवैष्णव परिषद् ह्यारिसबर्गले प्राणप्रतिष्ठाको आयोजना गरेको हो।  

ह्यारिसबर्गमा रहेको श्रीलक्ष्मीनारायण मन्दिर तथा जगद्गुरु योगिराज श्रीकमलनयनाचार्य स्मृति पीठमा (6641 Clearfield ST Harrisburg, PA ) २४ तारिक सम्म प्राणप्रतिष्ठा हुने छ।

प्राणप्रतिस्ठानको उद्घाटनका अवसरमा कलश यात्रा गरिएको थियो।

श्रीलक्ष्मीनारायण मन्दिरका ओहायोका स्वामी दामोदराचार्य प्रमुख आथित्यमा भएको उद्घाटनमा पीठाधिपति केशवाचार्यको सानिध्यता रहेको थियो।  

अब शनिवार देखि पाञ्चरात्रागमानुसार भगवान श्रीलक्ष्मीनारायण,श्रीदेवी,भूदेवी,गोदादेवी एवं आल्वार आचार्यहरुका दिव्य विग्रहहरुको प्राणप्रतिष्ठा महोत्सव गरिने कार्यक्रम रहेको छ।

महोत्सवमा विशिष्ट आचार्य तथा शास्त्रमर्मज्ञ विद्वानहरुका मुखारविन्दबाट दिव्य कथा प्रवचन,चारवेद,पुराण,इतिहास,उपनिषद् तथा दिव्यप्रवन्धहरुको पारायणका साथै भगवन्नामसंकीर्तनका कार्यक्रम पनि हुने छ।