खाद्यान्न आयातको अवस्थाप्रति प्रधानमन्त्री चिन्तित
काठमाडौं । प्रधानमन्त्री पुष्पकमल दाहाल ‘प्रचण्ड’ले देश अर्बको खाद्यान्न निर्यात गर्ने अवस्थाबाट आयात गर्ने अवस्थामा कसरी पुगेकोप्रति चिन्ता व्यक्त गरेका छन्।
चितवनको कृषि तथा वन विश्वविद्यालय तेस्रो दीक्षान्त कार्यक्रममा बोल्दै उनले आजको अवस्थामा देशले अर्बको खाद्यान्न आयात गर्नु पर्ने अवस्था पुगेको भन्दै दुःख व्यक्त गरे । उनले भने ‘ कहाँ छ त्रुटि ? आफ्नो अर्ग्यानिक उत्पादनको ऐतिहासिक विरासत र अस्तित्व किन जोगाउन सकेनौँ ? यसमा कृषि वन अध्ययन पढेका विद्यार्थीको विशेष ध्यान जान जरुरी छ ।’
उनले नेपालको शिक्षा व्यवहारिक नभएको सङ्केत गरेका उनको प्रश्न छ, निर्यातबाट आयातको अवस्थामा मुलुक कसरी पुग्यो ?
‘हामी विद्यालय, महाविद्यालय धेरै स्थापना भए हामी धेरै नेपाली शिक्षित भयौँ तर हामी कृषिका विद्यार्थीहरूले विचार गर्नुपर्ने कुरा के छ भने हामीले ५०÷६० वर्ष पहिलेसम्म हामी कहाँ यस्ता विश्वविद्यालयहरू थिएनन् । हामी कहाँ स्नातकोत्तरहरू पनि थिएनन् तर हाम्रा किसानहरूले अर्ग्यानिक खेती मार्फत खाद्यान्नमा आत्मनिर्भर मात्रै थिएन । बरु हामीले खाद्यान्न निर्यात गथ्र्याै , तर अहिले हामी हजारौँ हजार स्नातक र स्नातकोत्तर भएर पनि हामी अर्बको खाद्यान्न आयात गर्नुपर्ने ठाउँमा किन गयौँ ।’
यस विश्व विद्यालयले देशको सात वटै प्रदेशमा क्याम्पसहरू स्थापना गरेर आफ्नो कार्यक्षेत्र विस्तार गरिसकेको भन्दै यहाँबाट बाहिरिएका विद्यार्थीहरूले देशको कृषि क्षेत्र विकासको लागि काम गर्नुपर्ने बताए ।
उनले उच्च शिक्षामा सुधार गरेर युवाहरूलाई विदेश जानबाट रोक्नु पर्ने कुरामा जोड दिएका छन् ।