कांग्रेसको अभियान : घरघर जाऔँ, कांग्रेस जिताऔँ
काठमाडौं । नेपाली कांग्रेसले ‘घरघर जाऔँ, कांग्रेस जिताऔैँ’ अभियान गर्ने भएको छ ।
सानेपास्थित पार्टी कार्यालयमा मंगलबार बसेको कांग्रेसको केन्द्रीय कार्यसम्पादन समितिको बैठकले ‘घरघर जाऔँ, कांग्रेस जिताऔैँ’ अभियान गर्ने निर्णय गरेको हो ।
‘कांग्रेसको आज बसेको बैठकले ‘घरघर जाऔँ, कांग्रेस जिताऔैँ’ अभियान गर्ने निर्णय गरेको छ,’ बैठकपछि नेता डा प्रकाशशरण महतले भने ।
उनका अनुसार यो अभियान २० फागुन देखि चैत २० सम्म चल्नेछ ।
एमसीसीबारे दलहरूको द्वैध चरित्रले देशलाई हित गर्दैन, अनुमोदन गरौँ : कांग्रेस
नेपाली कांग्रेसले अमेरिकी सहयोग परियोजना मिलेनियम च्यालेन्ज कर्पाेरेसन (एमसीसी)का विषयमा राजनीतिक दलहरूले द्वैध चरित्र देखाउन नहुने बताएको छ ।
सानेपास्थित पार्टी कार्यालयमा सोमबार बसेको केन्द्रीय कार्यसम्पादन समितिको बैठकको निर्णय सार्वजनिक गर्ने क्रममा नेता प्रकाशशरण महतले एमसीसीबारे राजनीतिक दलको द्वैध चरित्रले देशलाई हित नगर्ने बताए ।
एमसीसीसँग सबै राजनीतिक दल जोडिएको प्रसङ्ग उल्लेख गर्दै उनले एमसीसी देशको हितमा रहेको र यसबारे फैल्याएको निराधार हल्लाको पछि नलाग्न सबैमा आग्रह गरे ।
एमसीसी लागु भएमा अमेरिकी सेना आउने हल्ला निराधार रहेको भन्दै नेता महतले नेपालकै कानुनको परिधिमा रहेर एमसीसी परियोजनाबाट आउने रकम विद्युत् प्रसारण लाइन निर्माण र सडक निर्माणमा खर्च हुने जानकारी दिए ।
कांग्रेस, एमाले, माओवादी केन्द्र र नेकपा (एकीकृत समाजवादी)सहित सबै राजनीतिक दल एमसीसीसँग जोडिएको र पक्षमा रहेको जानकारी दिँदै उनले द्वैध चरित्र नदखाई अनुमोदन गर्नु आग्रह गरे ।
एमसीसीबारे नियोजित रूपमा हल्ला फैल्याइएको भन्दै उनले भ्रममा नपरी अनुमोदन गर्नुपर्नेमा जोड दिए ।
