संविधानले दिएको अधिकार अझै पूर्ण कार्यान्वयन हुन सकेन : अध्यक्ष नेपाल

काठमाडौँ । नेकपा एकीकृत समाजवादीका अध्यक्ष माधवकुमार नेपालले संविधानमा भएका अधिकार पूर्ण कार्यान्वयन हुन नसकेको टिप्पणी गरेका छन् ।

मंगलबार पार्टी निकट विद्यार्थी अनेरास्ववियुले, आयोजना गरेको सम्मान कार्यक्रममा बोल्दै पूर्व प्रधानमन्त्री समेत रहेका नेपालले धेरै ठुलो मेहनत गरेर जनताको अधिकार संविधानमा लेखेको भएता पनि अझै पूर्ण कार्यान्वयन हुन नसकेको गुनासो गरेका हुन् ।

उनले भने, ‘जनतामा भेदभाव, अन्याय र अत्याचार भयो भने एकले अर्कालाई गरीब दलित विपन्न भनेर हेला गर्ने प्रवृत्ति भयो भने रहेसम्म देशको प्रगति गर्न सक्दैन् धेरै ठुलो मेहनत गरेर जनतालाई थुप्रै अधिकार दिनेगरी लेखिएको छ, संविधानको लेखाईमा कमी छैन् बनाए पनि त्यो संविधान लागु गर्ने कुरामा कमी छ ।’

उनले देशको नृतृत्व गर्ने मानीसहरु नै देश बनाउने भावनाले ओतप्रोत नभएको टिप्पणी गरे । देश र राष्ट्रमाथि कुनै आँच आउँने काम भएमा नेपालीहरुलाई त्यो स्वीइकार्य नहुने उनको भनाई छ ।

उनले भने, ‘देशमा धेरै समस्याहरू छन् । ती मध्ये पहिलो समस्या हामी सबै बन्नुपर्ने जति इमान्दार बनेका छैनौँ । हामी देश बनाउने भावनाले ओतप्रोत छैनौ । अध्यक्ष नेपालले भने, ‘हामीले आफूलाईमात्र केन्द्रविन्दुमा राख्ने गरेका छौँ, देशलाई जनतालाई केन्द्र विन्दुमा राखेका छैनौँ । देश र राष्ट्रमाथि कुनै आँच आउँने कुनै काम भने नेपालीहरुलाई त्यो स्वीकार्य हुने छैन् ।’