अमेरिकामा राहदानी बनाउन ४ महिना लाग्दा नागरिक आक्रोशित
काठमाडौं । अमेरिकामा नागरिकलाई राहदानी बनाउन तीनदेखि चार महिना लाग्छ । यहाँ हरेक हप्ता पाँच लाख आवेदन आइरहेका छन् । यसले गत वर्ष २ करोड २० लाख राहदानी जारी गरेको रेकर्ड तोड्न सक्छ । लामो पर्खाइको समय र ढिलो प्रक्रियाहरूले हजारौं नागरिकहरूलाई विदेश यात्रा र परिवार भ्रमण गर्ने योजनाहरू रद्द गर्न वा हजारौं डलर खर्च गरेर थप यात्रा टिकटहरू किन्न बाध्य पारेको छ।
डलास निवासी जिंजर कोलियर जुन महिनामा आफू र परिवारका तीन सदस्यसँग इटाली जाँदै थिए। जब उनले मार्चमा राहदानीका लागि आवेदन दिए, अधिकारीहरूले उनलाई ११ हप्ता पर्खन भने, तर पछि प्रतिक्षा अवधि १३ हप्तामा बढाइएको थियो। अन्ततः, डलासको राहदानी कार्यालयमा सात घण्टा लाइन लागेपछि, उनीहरूले आफ्नो राहदानी पाए, त्यो पनि उनीहरूको यात्राको चार दिन अघि। जिंजर बताउँछिन् कि यात्रा रद्द गर्दा उनको $ ४००० खर्च हुनेछ र उनको छोरालाई भेट्ने अवसर गुम्ने छ ।
यो अवस्थाका लागि अमेरिकी विदेशमन्त्री एन्टोनी ब्लिन्केनले संसदमा बयान दिनुपरेको थियो । उनले कोभिडको समयमा मानिसको आवतजावत घटेको कारण बताए । यस्तो अवस्थामा सरकारले यस काममा संलग्न कम्पनीसँगको ठेक्का तोडेर अन्य काममा ठूलो संख्यामा कर्मचारी खटाएको छ । राहदानी नवीकरणका लागि सरकारले सञ्चालन गरेको अनलाइन प्रणालीलाई सुधार गर्न अस्थायी रूपमा बन्द गरिएको हो । ब्लिन्केनका अनुसार अब पर्यटन र ट्राभल पुन: बढेको छ, राहदानी आवेदन पनि तीव्र रूपमा बढेको छ। अवस्था सुधार्न कर्मचारी भर्ना भइरहेका छन् ।
राहदानी बनाउनमा भएको ढिलाइप्रति आक्रोशित अमेरिकीहरूले सामाजिक सञ्जालमा आक्रोश पोखेका छन् र आफ्ना सांसदहरूसँग जवाफ मागिरहेका छन्। यस वर्ष सिनेट र प्रतिनिधिसभाका धेरै सदस्यले समयमै राहदानी नबनाएको गुनासो सबैभन्दा बढी परेका छन् ।
