डेनिस क्रोनर नोट फागुन मसान्तसम्म मात्र सटही हुने

काठमाडौँ । डेनमार्कको डेनिस क्रोनर नोट फागुन मसान्तसम्म मात्र सटही हुने त्यस पश्चात् साट्न नपाइने नेपाल राष्ट्र बैंकले जानकारी दिएको छ ।

सोमवार नेपाल राष्ट्र बैंकले एक सूचना प्रकाशित गर्दै डेनमार्कको केन्द्रीय बैंकले सन् २०२५ मे ३१ पश्चात् कानुनी ग्राह्यता खारेज गरेका डेनिस क्रोनर नोटहरू यही फागुन मसान्त (सन् २०२५ मार्च १३) पश्चात् सटही नगर्ने जनाएको हो ।

राष्ट्र बैंकले डेनिस क्रोनर नोट भएका व्यक्तिहरूले फागुन मसान्तभित्र राष्ट्र बैङ्कको बैङ्किङ विभाग, प्रदेशका कार्यालयहरू, विदेशी विनिमयको कारोबार गर्न इजाजत पत्र प्राप्त बैंक तथा वित्तीय संस्थाबाट तोकिएको समयमा साट्न भन्दै सूचनामा उल्लेख गरेको छ । राष्ट्र बैंकले फागुन मसान्त पश्चात् डेनिस क्रोनर नोट सटही गर्न सम्बन्धित निकाय बाध्य नहुने पनि बताएको छ ।

कानुनी ग्राह्यता खारेज गरिएका बैंकनोटहरु सम्बन्धी विस्तृत जानकारी डेनमार्कको केन्द्रीय बैङ्कको वेबसाइटमा उपलब्ध रहेको पनि राष्ट्र बैंकले जानकारी दिएको छ।