अमेरिकामा ३२ वर्षीय नेपाली पुरुष हराए,श्रीमतीको गाडी सहित १४ दिन देखि बेपत्ता
ल्यानक्यास्टर, पेन्सिल्भेनिया/ अमेरिकामा नेपाली नागरिक ३२ वर्षीय उगेन मगर हराइरहेको उनको परिवारले जनाएको छ। नेपालमा ओखलढुङ्गा जन्म भएका मगर अमेरिकाको न्युह्यामसायर म्यानच्यास्टरबाट हराइरहेको उनी श्रीमती जमुना मगरले समाज टाइम्सलाई बताइन्।
जमुनाका अनुसार अगस्ट १४ तारिख बिहान काममा जान्छु भन्दै निस्किएका उगेन अहिले सम्म घर फर्किएका छैनन्। उगेनले आफ्ना सबै महत्त्वपूर्ण कागजात पनि सँगै लगेको जमुनाले बताइन्।
उगेनले श्रीमतीको नाममा रहेको गाडी पनि सँगै लगिएको बताइएको छ। जमुनाले आर्फ्नो ठेगान काठमाडौँको धापसी भएको बताइकी छन्। उनी १०-१२ वर्ष अगाडी अमेरिका आएको तर श्रीमान् उगेन भने आठ महिना अगाडि मात्र अमेरिका आएका हुन्।
‘कहाँ जान्छु केही नभनी उसको सबै डकुमेन्ट लिएर गएछ।’ जमुनाले भनिन्।
उनले उगेन हराएकै दिन काम गर्ने ठाउँ, प्रहरी र नेपालमा सासूलाई पनि खबर गरेको बताइन्। सुरुमा सासूले घटना बाहिर नलैजान भनेको तर अहिले दबाब दिन थालिएको गङ्गा जमुना दुवै जनाले समाज टाइम्सलाई बताए।
उनीहरूले उगेनको खोजीका लागि अपिल समेत गरेका छन्।
समाज टाइम्सले नेपालमा रहेका उगेनका आमा बुबा सँग सम्पर्क गर्ने प्रयास गरिरहेको छ। यसै गरी समाज टाइम्सले म्यानचेस्टर पुलिस डिपार्टमेन्ट सँग पनि सम्पर्कको प्रयास गरिरहेको छ।
