अफगानस्तिानमा गोलीचल्दा तीन स्पेनीससहित चार जनाको मृत्यु
अफगानिस्तानको बामियान प्रान्तमा गोली प्रहार हुँदा ४ जनाको मृत्यु भएको छ । शुक्रबार भएको गोली लागेर तीन जना विदेशी र एक जना अफगान नागरिकको मृत्यु भएको हो ।
अफगानिस्तानको आन्तरिक मन्त्रालयका प्रवक्ता मुफ्ती अब्दुल मतिन कानीले मध्य अफगानिस्तानको बामियान प्रान्तमा शुक्रबार भएको आक्रमणमा तीन विदेशी र एक अफगान नागरिकसहित चार जनाको मृत्यु भएको पुष्टि गरे ।
उनले भने ‘गोलीबारीमा चार विदेशी र तीन अफगानी घाइते भएका छन् ।’ स्पेनको विदेश मन्त्रालयले एक विज्ञप्तिमा अफगानिस्तानको बामियान प्रान्त्मा भएको हमलामा तीन जना स्पेनी नागरिक मारिएको र कम्तीमा एक जना घाइते भएको बताएको छ ।
बेलुका भएको आक्रमणको कसैले जिम्मेवारी लिएको छैन ।
