टर्कीका राष्ट्रपति इजरायलसँग किन आक्रोशित?

इस्तानबुल । गाजाको अस्पतालमा इजरायली सेनाको हस्तक्षेप प्रति टर्की असन्तुष्ट बनेको छ । 

इजरायली हमलाको सम्बन्धमा टर्कीका राष्ट्रपति रेसेप तैयप एर्दोगानले इजरायलले जसरी सर्वसाधारणलाई निशाना बनाउँदै छ, त्यो सबै ‘तोराह’मा लेखिएको छैन भन्ने कुरा जान्नुपर्ने बताएका छन्। 

टोरा यहूदी धर्ममा मानिने हिब्रू बाइबलको पहिलो पाँच पुस्तकहरूको संकलन हो। यहूदीहरू बाहेक यो पुस्तक इसाईहरूले पनि मान्छन्, यद्यपि तोराह इस्लामको धार्मिक पुस्तक कुरानमा पनि उल्लेख गरिएको छ।

एर्दोगानले भने, ‘प्रार्थनामा आक्रमण गरियो, गिर्जाघरलाई निशाना बनाइयो तर अस्पतालमा गोली हानेर, बालबालिकालाई मार्ने कुरा टोरामा सिकाइएको छैन। तपाई (इजरायल) यो गर्न सक्नुहुन्न।’ 

इजरायली सेना अल शिफा अस्पतालमा प्रवेश गरेको र अस्पतालमा हमासको मुख्यालय फेला पारेको दाबी गरिरहेको बेला राष्ट्रपति एर्दोगानको यो बयान आएको हो ।