नेपाली जनसम्पर्क समिति, अमेरिकाको आयोजनामा कांग्रेस नेता स्वर्गिय प्रदीप गिरीको श्रद्धाञ्जली सभा सम्पन्न
बाल्टिमोर, अमेरिका । नेपाली जनसम्पर्क समिति, अमेरिका केन्द्रीय कार्यसमितिले नेपाली कांग्रेसका केन्द्रीय सदस्य, प्रतिनिधि सभाका सांसद स्वर्गिय प्रदीप गिरीको श्रद्धाञ्जली सभा गरेको छ।
मेरिल्याण्ड राज्यको बाल्टिमोरमा आइतवार एक कार्यक्रमको बीचमा आदर्शवादी चिन्तक एवं समाजवादी विचारक गिरीलाई श्रद्धाञ्जली व्यक्ति गरिएको हो।
उक्त सभामा नेपाली कांग्रेसका नेता एवं नेपाली जनसम्पर्क समिति अमेरिकाका पूर्व सल्लाहकार पशुपति बन्जाडे, नेपाली जनसम्पर्क समिति, अमेरिकाका पूर्व प्रवक्ता एवं नेपाल प्रेस युनियनका पूर्व महामन्त्री तरूण पौडेल, अन्तर्राष्ट्रिय प्रवासी नेपाली मन्चका सचिवालय सदस्य, प्रचार विभाग प्रमुख तथा अमेरिकाज क्षेत्र ईन्चार्ज प्रभु थापाले गिररी प्रति श्रद्धाञ्जली व्यक्त गरेका थिए।
यस्तै जनसम्पर्क समिति, अमेरिकाकी पूर्व केन्द्रीय सदस्य भुवनेश्वरी बन्जाडे, चितवन समाज अमेरिका (डीसी मेट्रो) का अध्यक्ष एवं नेपाली जनसम्पर्क समिति, अमेरिकाका नेता आनन्दकृष्ण घिमिरे, एनआरएनए आइसीसी संरक्षक परिषद सदस्य शिवराज पौडेल, एनआरएनए आइसीसीका निवर्तमान सदस्य एवं एनआरएनए एनसीसी अमेरिका, मेरिल्याण्ड च्याप्टरका संस्थापक अध्यक्ष जेदु पोखरेल, एनआरएनए एनसीसी बोर्ड अफ डाइरेक्टर तथा नेपाली जनसम्पर्क समिति र अमेरिका मेरिल्याण्ड च्याप्टर सचिव डोलनाथ घिमिरेले पनि श्रद्धाञ्जली व्यक्त गरेका थिए।
नेपाली जनसम्पर्क समिति, अमेरिकाका केन्द्रीय सदस्य सुशील खत्री, समाजसेवी एवं व्यवसायी विनोद उप्रेती, समाजसेवी एवं राजनीतिक कर्मी होम खाती, नेपाली जनसम्पर्क समिति, अमेरिका डिएमभी च्याप्टरका उप-सभापति बेनी बस्नेतले शोक मन्तव्य व्यक्त गरेका थिए।
कार्यक्रममा एनआरएनए एनसीसी सचिव अनुप खनाल, साथी बाल्टिमोरका अध्यक्ष प्रविण खड्का, बानाका पूर्व वरिष्ठ उपाध्यक्ष हीरा गुरूंग, समाजसेवी डा विनोद रेग्मी, समाजसेवी एवं पत्रकार पीबी भट्टराई, समाजसेवी सुदीप खनाल, समाजसेवी नरेश केसी र नेपाली जनसम्पर्क समिति, अमेरिका डिएमभी च्याप्टरका कोषाध्यक्ष झविन्द्र बेलबासे लगायत उपस्थित थिए।
समितिका केन्द्रीय सभापति सुभाष घिमिरेको सभापतित्व भएको कार्यक्रम सह-महामन्त्री विष्णु बरालले सन्चालन गरेका थिए। सभामा महामन्त्री क्रान्ति अर्याल भण्डारीको शोक सन्देश पनि सुनाइएको थियो ।
