स्पेन विश्वकप फुटबलको क्वार्टर फाइनलमा प्रवेश, पोर्चुगलको यात्रा समाप्त
गोबिन्द गुरुङ
कार्लाल, पेन्सिलभेनिया / स्पेन जारी विश्वकप फुटबलको क्वाटर फाइनलमा प्रवेश गरेको छ ।
टेक्सासस्थित डलास स्टेडियममा सोमवार भएको अन्तिम १६ को खेलमा स्पेनले पोर्चुगललाई १–० ले पराजित गर्दै क्वार्टर फाइनलमा स्थान सुरक्षित गरेको हो ।
खेलमा दुवै टोलीले सुरुदेखि नै आक्रामक प्रदर्शन गरेको थियो । खेलभर बल नियन्त्रण र पासिङमा स्पेन केही हदसम्म हाबी देखिएको थियो । त्यस्तै, पोर्चुगलले तीव्र प्रतिआक्रमणमार्फत अवसर सिर्जना गर्ने प्रयास गरेको थियो।
पहिलो हाफ गोलरहित बराबरीमा सकिएपछि दोस्रो हाफमा खेलको गति अझ रोमाञ्चक बनेको थियो। दुवै टोलीले गोल गर्ने अवसर पाए पनि गोलरक्षकहरूको उत्कृष्ट प्रदर्शनका कारण लामो समयसम्म कुनै पनि टोलीले जाली चुमाउन सकेन। अन्ततः दोस्रो हाफको उत्तरार्धमा स्पेनले निर्णायक गोल गर्दै खेलमा १–० को अग्रता बनायो।
त्यसपछि पोर्चुगलले बराबरी गोलका लागि लगातार दबाब सिर्जना गरे पनि स्पेनको सुदृढ रक्षापंक्तिले सबै प्रयास विफल पार्यो।
अब स्पेनले क्वार्टर फाइनलमा अमेरिका र बेल्जियमबिचको विजेता टोलीसँग प्रतिस्पर्धा गर्नेछ। पोर्चुगल भने अन्तिम–१६ बाटै बाहिरिएको छ। प्रतियोगिताबाट बाहिरिएसँगै पोर्चुगलका समर्थक निराश बनेका छन् । यता स्पेनका समर्थकले ऐतिहासिक जितको उत्सव मनाएका छन्।
यो नतिजापछि स्पेन विश्वकप उपाधिको दाबेदार टोलीका रूपमा थप बलियो देखिएको छ। क्वार्टर फाइनलमा पनि यस्तै प्रदर्शन दोहोर्याउन सके स्पेन उपाधिनजिक पुग्ने विश्वास समर्थकहरूले व्यक्त गरेका छन्।
तस्विर सौजन्य : फिफा
