जोर्डनमा इरान समर्थित समूहको ड्रोन आक्रमणमा तीन अमेरिकी सैनिक मारिए,‘जवाफ दिने’ राष्ट्रपति बाइडेनको चेतावनी
पेन्सिल्भेनिया/ राष्ट्रपति जो बाइडेनले आइतबार सिरियाली सीमा नजिकै उत्तरपूर्वी जोर्डनमा रातभरको ड्रोन हमलामा तीन अमेरिकी सेना मारिए पछि ‘जवाफ दिने’ बताएका छन्। घटनामा दर्जनौँ घाइते भएको जनाइएको छ।
नर्थ क्यारोलिनामा यात्रा गरिरहेका बाइडेनले इजरायल-हमास युद्धको बिचमा मध्यपूर्वमा अमेरिकी सेनाहरू मृत्युको लागि इरान समर्थित मिलिशियाहरूलाई दोष दिए।
“हामीले मध्यपूर्वमा हिजो राती कठिन दिन बिताएका थियौँ। हामीले हाम्रो एउटा आधारमा भएको आक्रमणमा तीन बहादुर आत्माहरू गुमायौं,” बाइडेनले भने। मौनताको क्षण पछि, उनले थपे, “र हामी प्रतिक्रिया दिनेछौं।”
व्हाइट हाउसले यमनका हुथीहरूलाई उनीहरूको सबैभन्दा ठूलो रेड सी ड्रोन र मिसाइल आक्रमण पछि चेतावनी दिएको छ।
रक्षा सचिव लोयड अस्टिनले भने, “हामी संयुक्त राज्य अमेरिका, हाम्रो सेना र हाम्रो हितको रक्षा गर्न सबै आवश्यक कारबाही गर्नेछौँ।”
समाचार संस्था एपीले अमेरिकी अधिकारीको भनाई भन्दै एकतर्फी ड्रोन आक्रमण बाट घाइते सैनिकको संख्या बढेर कम्तीमा ३४ पुगेको उल्लेख गरेको छ। एपीले एउटा ठूलो ड्रोनले बेसमा प्रहार गरेको उल्लेख गरेको छ।
घटना स्थल सिरियाको सीमामा छ । यसलाई टावर २२ भन्ने गरिन्छ। जोर्डन सेनाहरूको लागि सल्लाह र सहायता मिसनमा संलग्न सेनाहरूले ठूलो मात्रामा प्रयोग गर्छन्।
जोर्डनको सरकारी टेलिभिजनले सरकारी प्रवक्ता मुहन्नाद मुबैदिनलाई उद्धृत गर्दै सिरियाको सीमापार आक्रमण भएको दाबी गरेको छ।
अमेरिकी सेनाहरूले लामो समयदेखि इराक, इजरायल, वेस्ट बैंकको प्यालेस्टाइन क्षेत्र, साउदी अरेबिया र सिरियाको सिमानामा रहेको राज्य जोर्डनलाई आधार बिन्दुको रूपमा प्रयोग गर्दै आएका छन्।
रिपोर्ट अनुसार लगभग तीन हजार अमेरिकी सेनाहरू सामान्यतया जोर्डनमा तैनाथ हुन्छन्। टावर २२ मा कति संख्यामा थिए भन्ने खुलाइएको छैन।
गाजामा अक्टोबर ७ मा युद्ध सुरु भएदेखि इरानी समर्थित मिलिशियाहरूले इराकमा अमेरिकी सैन्य प्रतिष्ठानमा ६० भन्दा बढी पटक र सिरियामा ड्रोन, रकेट, मोर्टार, ब्यालिस्टिक मिसाइलको मिश्रणले ९० पटक आक्रमण गरेको जनाइएको छ।
आइतबारको आक्रमण इजरायल-हमास युद्धको क्रममा जोर्डनमा अमेरिकी सेनालाई लक्षित गर्ने पहिलो र अमेरिकी ज्यान गुमाउने पहिलो आक्रमण थियो। आक्रमणका क्रममा धेरै अमेरिकी कर्मचारीहरू घाइते भएका छन्, जसमा केहीलाई मस्तिष्कमा चोटपटक लागेको जनाइको छ।
गाजा युद्धमा इजरायललाई वाशिंगटनले गरेको समर्थनको बदलास्वरूप उनीहरूले आक्रमण गरेको र अमेरिकी सेनालाई यस क्षेत्रबाट बाहिर धकेल्ने लक्ष्य रहेको पनि मिलिसियाहरूले बताएका छन्।
