बराक ओबामाले गरे काला पुरुष मतदातालाई विशेष अपिल
पेन्सिल्भेनिया। अमेरिकाका पूर्व राष्ट्रपति बराक ओबामाले काला पुरुषहरूलाई २०२४ को चुनावमा सहभागी हुन कडा सन्देश दिएका छन्। उनले उपराष्ट्रपति कमला ह्यारिसको चुनावी अभियानमा सहभागी हुँदै भने, “कुनै हदसम्म तपाईंहरूलाई महिला राष्ट्रपतिलाई समर्थन गर्न गाह्रो भएको हो कि भन्ने लाग्छ, र त्यसका लागि अन्य बहाना खोजिरहनुभएको छ।”
पिट्सबर्गमा भएको एक कार्यक्रममा बोल्दै ओबामाले कमला ह्यारिसको राष्ट्रपतिको उम्मेदवारीलाई लिएर काला समुदायभित्रको समर्थनको कमीप्रति चिन्ता व्यक्त गरे। उनले ह्यारिसको जितका लागि काला मतदाताहरू, विशेषगरी काला पुरुषहरूको ठूलो समर्थन आवश्यक रहेको बताए। ह्यारिसले पेन्सिल्भेनिया लगायतका मुख्य राज्यहरूमा काला मतदाताको बलमा रिपब्लिकन उम्मेदवार डोनाल्ड ट्रम्पलाई टक्कर दिइरहेकी छिन्।
ओबामाको यो भनाइ काला पुरुषहरूमा व्यापक समर्थन भए पनि, क्याम्पेनमा केही प्रश्नहरू उठ्दै आएका छन्—जसमा ह्यारिसको महिलाको रुपमा राष्ट्रपति बन्ने सम्भावनालाई केही काला पुरुषहरूले मन नपराएको आंशका गरिएको छ।
एक हालको सर्वेक्षण अनुसार १० मध्ये ७ काला मतदाताहरूले ह्यारिसलाई समर्थन गरेका छन् र उनीहरूको नीति, स्वास्थ्य सेवा, आप्रवासन, र आर्थिक सवालमा ह्यारिसको नेतृत्वलाई ट्रम्पको भन्दा राम्रो मानेका छन्। काला पुरुष र महिलाको समर्थनमा त्यति ठूलो अन्तर देखिएको छैन।
तर, विं विथ ब्ल्याक मेनका सह-संस्थापक खलिल थम्प्सनले भने ओबामाले उठाएको बृहत् मुद्दालाई सहमति जनाए। उनले भने, “ओबामाले पुरुषहरू र महिलाहरूको सम्बन्धको वास्तविकतालाई सम्बोधन गरिरहेका छन्, र पितृसत्तात्मक सोचलाई चुनौती दिनु गलत होइन।”
थम्प्सनको समूहले काला पुरुषहरूबीच ह्यारिसप्रतिको समर्थन बढाउन विशेष कार्यक्रमहरू गर्दै आएको छ। ह्यारिसको क्याम्पेनले काला मतदाताहरूलाई केन्द्रित गरेर विश्वविद्यालय भ्रमण, टेलिभिजन विज्ञापन, र समुदायको संलग्नता बढाउन विभिन्न पहलहरू थालेको छ।
“हाम्रो काला पुरुष मतदातालाई जागरुक बनाउनैपर्छ,” एनबीएका पूर्व खेलाडी म्याजिक जोनसनले मिशिगनमा भएको एक र्यालीमा भने। “कमलाको प्रतिस्पर्धीले काला समुदायलाई धेरै आश्वासन दिएका थिए, तर ती पूरा भएनन्।”
यो चुनावमा काला पुरुषहरूको सहभागिताले कमला ह्यारिसको जितमा निर्णायक भूमिका खेल्ने अनुमान गरिएको छ।
