अमेरिकामा जवरजस्ती आफन्तलाई काममा लगाएको अभियोगमा एक दम्पतीलाई जेल सजाय
पेन्सिल्भेनिया । अमेरिकामा जवरजस्ती काम लगाएको अभियोगमा एक दम्पतीलाई कडा सजाय सुनाइएको छ । अमेरिकाको भर्जेनियामा रहेका भारतीय मूलका एक दम्पतीले आफ्ना नातेदारलाई स्कुल पढाउने बहानामा भारतबाट अमेरिका लगेका थिए ।
तर उनीहरुले पढाउनुको साटो पेट्रोल पम्प र जनरल स्टोरमा ३ वर्षसम्म काम गर्न बाध्य पारेका थिए । सोही मुद्दामा अमेरिकी अदालतले भारतीय जोडीलाई ११.२५ वर्ष (१३५ महिना) जेल सजाय सुनाएको छ । जसमा सिंहलाई १३५ महिना र कौरलाई ८७ महिनाको जेल सजाय हुने छ ।
३१ वर्षीय भारतीय अमेरिकी नागरिक हरमनप्रीत सिंह र उनकी श्रीमती कुलबीर कौरले पीडितलाई २ लाख २५ हजार २ सय १०.७६ डलर अर्थात झण्डै ३ करोड १ लाख ३१ हजार २६३ नेपाली रुपैयाँ क्षतिपुर्ति तिर्न पनि अदालतले आदेश दिएको छ । हरमनप्रीत र कुलबीरको अहिले डिभोर्स भइसकेको छ । उनीहरुले हरमनप्रीतका भाइमाथि यो अत्याचार गरेका हुन् ।
समाचार एजेन्सी पीटीआईको रिपोर्टका अनुसार दुवै अभियुक्तले आफ्ना आफन्तलाई झूटो आश्वासनमा अमेरिका लगेका थिए ।
त्यसपछि उनले राहदानी र अध्यागमनका कागजपत्र आफूसँग राखे । आरोपितले पीडितलाई घण्टौं पसलमा काम गराएर यातना दिने गरेका थिए । यस अवधिमा उनलाई निकै कम रकम दिइएको थियो । काम छोड्न खोजे ज्यान मार्ने धम्की समेत दिइएको थियो । यो कुरा सन् २०१८ को हो। पीडितलाई मार्च २०१८ देखि मे २०२१ सम्म काम गर्न बाध्य पारिएको थियो । उनलाई सरसफाई, खाना पकाउने, पसलमा सामान राख्ने, नगद दर्ता गर्ने जस्ता काम गर्न लगाइयो ।
उनी १२–१७ घण्टा लगातार काम गर्थे । त्यसको बदलामा उनलाई उचित खानासमेत दिइएन । साथै, उनलाई चिकित्सा सेवा र शिक्षा सुविधाबाट टाढा राखिएको थियो । दम्पतीले पसलमा जडान गरिएको क्यामेरा मार्फत पीडितलाई नजर राखेका थिए ।
उनलाई भारत फर्कन दिइएन । प्रतिवेदनका अनुसार अभियुक्तहरू विरुद्ध फेला परेको प्रमाणमा उनीहरूले पीडितका आफन्तलाई पनि कुटपिट गर्ने गरेको खुलेको छ । यसबाहेक पीडितले बिदा मागेपछि उनलाई बन्दुक देखाएर मार्ने धम्की समेत दिइएको थियो ।
सहायक महान्यायाधिवक्ता क्रिस्टन क्लार्कले पीडितलाई झुटो बहानामा अमेरिका लैजाने प्रलोभनमा परेपछि उनीहरूले उनको अध्यागमन कागजात जफत गरेर थोरै पारिश्रमिकमा लामो समय काम गर्न बाध्य पार्न धम्की दिने गरेको बताए ।
भर्जिनियाको पूर्वी जिल्लाका लागि अमेरिकी अधिवक्ता जेसिका डी. एबरले प्रतिवादीहरूले शिक्षा र राम्रो जीवनको लागि पीडितको उत्कट चाहनालाई शिकार गरे, आधारभूत मानव अधिकार र स्वतन्त्रताबाट वञ्चित गरिएको बताइन् । अनुवाद
