एनआरएनए विवाद : आइसीसीको निर्वाचन प्रति अमेरिका च्याप्टरहरुको आपत्ति, भन्छन् “हामी लज्जित् छौ”
अमेरिका । गैर आवासीय नेपाली संघ (एनआरएनए) अन्तर्राष्ट्रिय समन्वय परिषाद् (आइसीसी) को हालै सम्पन्न महाधिवेशन र निर्वाचन प्रक्रियामा राष्ट्रिय समन्वय परिषद् (एनसीसी) अमेरिका सबै च्याप्टरहरुले आपत्ति जनाएका छन् ।
एनसीसी अमेरिका अन्तर्गत रहेका २९ च्याप्टरका सभापतिहरुले बुधवार संयुक्त विज्ञप्ति जारी गर्दै आइसीसीको महाधिवेशन र निर्वाचन प्रक्रियालाई अलोकतान्त्रिक र आपत्तिजनक अभ्यासहरू भनेका छन् ।
“विधि, विधान र प्रक्रियाका सम्बन्धमा आफ्ना कुरा राख्ने र मतदान गर्न पाउने अधिकारबाट आम पञ्जीकृत सदस्य र आइसीसी डेलिगेटस वञ्चित गरिएकोमा सबै च्याप्टहरु दु:ख व्यक्त गर्दै सहमतिको नाममा गरिएको यस घृणित कार्यको हामी सबै घोर भर्त्सना गर्दछौं।” विज्ञप्तिमा भनिएको छ ।
एनआरएनए अमेरिका पेन्सिलभेनिया च्याप्टरका सभापति सुभाष कुमार बैठाका अनुसार मंगलवार साँझ जुम मार्फत बसेको च्याप्टर सभापितहरुको बैठक पछि विज्ञप्ति जारी गर्ने सहमति भएको हो ।
सुभाषका अनुसार बैठक झण्डै पाँच घण्टा चलेको थियो। “साथिहरु बिचमा लामो छलफल भयो, काठमाडौंमा जे भयो त्यो गलत भयो भन्ने निश्कर्ष रह्यो। भागवण्डा गरिनु दुर्भाग्य भएको यसले गर्दा आमसर्वसाधरणमा नकारात्मक प्रभाव परेको तथा च्याप्टर सभापतिहरु नाजवाफ बनेको भन्नेमा सबै सभापतिहरु एकमत भए।” समाज टाइम्ससँगको कुराकानीमा सुभाषले भने।
प्रेस बिज्ञप्ती पूर्णपाठ
विषय: गैर आवासीय नेपाली सङ्घको १० औ महाधिवेशन तथा निर्वाचनका सम्बन्धमा च्याप्टरहरूको ध्यानाकर्षण्त|
गैर आवासीय नेपाली सङ्घ अन्तर्राष्ट्रिय समन्वय परिषद् (एनआरएनए आइसीसी)को १० औँ महाधिवेशन र निर्वाचन प्रक्रियामा देखिएका अलोकतान्त्रिक र आपत्तिजनक अभ्यासहरू प्रति एनआरएनए अमेरिकाका च्या्टरहरुको ध्यानाकर्षण भएको छ । विधि, विधान र प्रक्रियाका सम्बन्धमा आफ्ना कुरा राख्ने र मतदान गर्न पाउने अधिकारबाट आम पञ्जीकृत सदस्य र आइसीसी डेलिगेटस वञ्चित गरिएकोमा सबै च्याप्टहरु दु:ख व्यक्त गर्दै सहमतिको नाममा गरिएको यस घृणित कार्यको हामी सबै घोर भर्त्सना गर्दछौं।
नाटकीय एकताको नाममा गरिएको यस घृणित कार्यको हामी सबै घोर भर्त्सना गर्दछौं। आम पञ्जीकृत सदस्य र आइसीसी डेलिगेटसले आवश्यकता अनुसार आफ्नो विधान परिवर्तन र निर्वाचनमा सहभागी हुने अधिकार राख्छन् तर सहमतिका नाममा सबैको अधिकार हनन् गरियो। विविध गतिबिघीहरू सहमती गर्ने अभ्यासले एकता र निकास भन्दा आगामी दिनमा संस्थालाई थप समस्या तर्फ धकेल्छ भन्ने हाम्रो गहिरो चिन्ता र सरोकार छ।
संस्थामा सिमीत व्यक्तिहरूबाट हुने यस्ता अलोकतान्त्रिक, अदूरदर्शी र हेपाहा प्रवृत्तिको हामी घोर भर्त्सना गर्दछौँ। मिल्ने र मिलाउने नाममा संस्थाले थेग्नै नसक्ने गरी पद बाडफाड गरिनुले गैर आवासीय नेपाली सङ्घको गर्विलो विगतलाई कमजोर बनाएको छ । आइसीसी डेलिगेटसको समस्या देखि थुप्रै गंभिर विषयलाई जस्ताको तस्तै छोडेर अगाडि बढ्दा संस्था विवाद रहित र बलियो हुने सङ्केत देखिँदैन। मनोनीत वर्तमान कार्यसमितिले संस्थालाई दलदलबाट बाहिर निकाल्न के कसरी काम गर्दछ भनेर आम पञ्जीकृत सदस्यहरूले नियालिरहनु भएको छ। ३००० भन्दा बडी डेलिगेट मध्ये केही दर्जन डेलीगेट र बिचौलियहरुले गरेको आइसीसी अधिबेसन प्रती हाम्रो आपत्ती छ साथै यस् अधिबेसनमा एनसीसी हरुको कमजोर भूमिका र सहकार्यले हामी च्याप्टरहरु लज्जित् भएका छौ र भबिस्यमा यस्तो नहोस भन्ने अपेक्षा छ।
धन्यबाद !
च्याप्टर अध्यक्षहरू:
Ang Tshiring Sherpa – NY
Bal Rai – NV
Basudev Bhatt – NC
Bikash Devkota – FL
Bimal Adhikari – NE
Bivek Jha – MN
Dilip Kumar Baniya – GA
Dipak Thapa – WI
Eka Dev Sharma – CA
Ganga Acharya – NM
Indara K Chaudhary – IL
Jyoti Baral – IA
Santosh Kaji Thapa – TN
Kamal Dhungana – NH
Keshav Lohani – KY
Khem Raj Khatiwada – IN
Laxman Darlamee – OR
Mohan Neupane. – OH
Muna Tiwari – CT
Philip KC – KS
Prem Tamang – MA
Raju Parajuli – MD
RC Panta – CO
Subhash K Baitha – PA
Subodh Regmi – VA
Surya Tiwari – NJ
Tanka Dahal – WA
Tulshi Shiwakotee – MI
Sophin Thapa – TX