अमेरिकी संसदलाई भारतीय प्रधानमन्त्री मोदीले गरे संवोधन

काठमाडौं । अमेरिकाको राजकीय भ्रमणमा रहेका भएका भारतीय प्रधानमन्त्री नरेन्द्र मोदीले अमेरिकी संसदका दुवै सदनको संयुक्त वैठकलाई सम्बोधन गरेका छन् ।

बिहिबार राति सिनेट र प्रतिनिधिसभाका दुवै सदनको संयुक्त वैठकलाई सम्बोधन गर्दै मोदीले जनताको सेवामै प्रजातन्त्रको अर्थ हुने बताए ।
अमेरिका र भारतबीचको सम्बन्धको चर्चा गर्दै उहाँले भारत अब छिट्टै विश्वको तेस्रो ठूलो अर्थतन्त्र बन्ने घोषणा पनि गरे ।

अमेरिका भारतको महत्वपूर्ण रक्षा साझेदार बनेको भन्दै मोदीले आतंकवाद विरुद्धको लडाईमा कुनै सम्झौता हुदैन भनेका छन् । भारत अघि बढ्दा विश्व नै अघि बढ्ने भन्दै रुस युक्रेन युद्धले विश्वलाई नै पीडा दिएको बताए । रुस–युक्रेन युद्धबाट मोदीले यो भन्दा बढी टिप्पणी भने गर्न चोहनन् ।

चीन र पाकिस्तानप्रति सीधा टिप्पणी नगरे पनि मोदीले हिन्द प्रशान्त क्षेत्रमा टकरावको कालो बादल मडारिन थालेको बताए । मोदीले वैठकलाई सम्बोधन गरिरहँदा संसद तालीले गुञ्जायमान भएको थियो । दर्शकदीर्घाबाट “मोदी मोदी” भन्दै प्रशंसा गरिएको थियो ।