ह्यारिसको मेडिकल रेकर्ड सार्वजनिक, अब पालो ट्रम्पको !
पेन्सिल्भेनिया। अमेरिकी राष्ट्रपति चुनावको २३ दिनअघि, डेमोक्रेटिक पार्टीकी उम्मेदवार कमला ह्यारिसले आफ्नो मेडिकल रेकर्ड सार्वजनिक गर्दै पूर्ण रूपमा स्वस्थ भएको घोषणा गरेकी छन्। ह्यारिसको यो कदम रिपब्लिकन पार्टीका उम्मेदवार डोनाल्ड ट्रम्पसँगको प्रतिस्पर्धामा स्वास्थ्यको मुद्दामा प्रतिस्पर्धा बढाउने उद्देश्यले गरिएको हो।
ट्रम्पको टिमले भने, मेडिकल रिपोर्ट सार्वजनिक नगरी एक विज्ञप्ति मार्फत् ट्रम्पलाई स्वस्थ रहेको जानकारी दिएको छ। ह्यारिसले यसलाई चुनौती दिँदै ट्रम्पसँग आफ्नो स्वास्थ्य रेकर्ड सार्वजनिक गर्न पनि माग गरेकी छन्। उनले भने, “डोनाल्ड ट्रम्प अमेरिकी जनताले आफू राष्ट्रपति बन्नका लागि योग्य छन् कि छैनन् भन्ने थाहा नपाओस् भन्ने चाहन्छन्।”
कमला ह्यारिस र डोनाल्ड ट्रम्पबीचको प्रतिस्पर्धा कडा रहेको कुरा धेरै सर्वेक्षणहरूले पुष्टि गरेका छन्। यसबीच, ट्रम्पले आफूलाई स्वस्थ रहेको सन्देश दिन बाइडेनलाई गल्फ खेल्न चुनौती दिइरहेका छन्।
कमलाको परिवारमा कोलोन क्यान्सरको इतिहास रहेको सन्दर्भमा ह्वाइट हाउसले उपराष्ट्रपति कमला ह्यारिसलाई राष्ट्रपति बन्न योग्य घोषणा गरेको छ। उनका डाक्टर जोसुवा सिमोन्सले कमला ह्यारिसको स्वास्थ्यका बारेमा जानकारी दिँदै भनेका छन् कि उनलाई केही कुरामा एलर्जी पनि छ र यसकै कारण उनी नियमित रूपमा कोलोनोस्कोपी गराइरहेकी छिन्।
कमलाको मेडिकल रेकर्ड सार्वजनिक भएकोपछि उनको टिमले सामाजिक सञ्जाल एक्समा लेखेको थियो, “अब पालो तपाइको, डोनाल्ड ट्रम्प।” यसअघि, कमलाले एक र्यालीमा ट्रम्पको मानसिक स्वास्थ्यमाथि प्रश्न उठाउँदै भनेकी थिइन्, “उनी कहिलेकाहीँ हराउँछन्।”
कमला ह्यारिसको यो स्वास्थ्य सम्बन्धी घोषणा चुनावी मौसममा महत्वपूर्ण प्रभाव पार्न सक्छ। यसअघि, जो बाइडेनको प्रतिस्पर्धामा रहँदा ट्रम्पले उमेर र फिट्नेसको मुद्दालाई प्रमुख रूपमा उठाएका थिए। उनले बाइडेनलाई राष्ट्रपति पदका लागि अयोग्य घोषित गर्ने प्रयास गरेका थिए। अब, कमला ह्यारिस पनि सोही रणनीति पछ्याउँदै ट्रम्पको स्वास्थ्यका दृष्टिकोणले पनि अयोग्य रहेको पुष्टि गर्न चाहन्छिन्।
यसरी, अमेरिकी राष्ट्रपति चुनावको भिडन्तमा स्वास्थ्यको विषय एक महत्त्वपूर्ण मुद्दाका रूपमा उभिएको छ, जसले उम्मेदवारहरूको योग्यता र तन्दुरुस्तीलाई प्रकाशमा ल्याउनेछ। ह्यारिसको यस चालले चुनावी प्रतिस्पर्धामा नयाँ रुख ल्याउन सक्छ, जसले जनताको ध्यान स्वास्थ्य र मानसिक तन्दुरुस्तीका विषयमा केन्द्रित गराउनेछ।
