सुँगुरको मिर्गौला प्रत्यारोपण गरेका अमेरिकी नागरिकको मृत्यु
पेन्सिल्भेनिया । सुँगुरको मिर्गौला प्रत्यारोपण गरेका ६२ वर्षीय रिचर्ड रिक स्लेम्यानको अमेरिकाको म्यासाचुसेट्स राज्यमा मृत्यु भएको छ । रिचर्डलाई मार्चमा आनुवंशिक रूपमा परिमार्जित सुँगुरको मिर्गौला प्रत्यारोपण गरिएको थियो। यो मृगौलाले रिचर्डको शरीरमा कम्तिमा २ वर्षसम्म राम्रोसँग काम गर्न सक्ने चिकित्सकहरूले बताएका थिए । तर उनको २ महिनामै निधन भएको हो ।
प्रत्यारोपण गरिएको अस्पतालले रिचर्डको मृत्युको कारण सुँगुरको मिर्गौला नभएको बताएको छ । प्रत्यारोपण टोलीले रिचर्डको मृत्युप्रति दुःख व्यक्त गरेको छ । सुँगुरको मृगौला आफ्नो शरीरमा प्रत्यारोपण गर्ने रिचर्ड पहिलो व्यक्ति थिए। यसअघि सुँगुरको मिर्गौला ब्रेन डेड व्यक्तिको शरीरमा मात्रै प्रत्यारोपण गरिन्थ्यो ।
सुँगुरको मुटु पनि दुई जनामा प्रत्यारोपण गरिएको छ । तर, शल्यक्रिया गरेको केही महिनामै उनको मृत्यु भयो । रिचर्डको पहिलो मृगौला प्रत्यारोपण सन् २०१८ मा भएको थियो । तर, त्यो मृगौला पनि फेल भएर फेरि डायलासिस गर्नुपर्यो ।
केही समयपछि उनलाई डायलासिसमा धेरै समस्या आउन थालेपछि डाक्टरले सुँगुरको मिर्गौला प्रत्यारोपण गर्न सुझाव दिए । रिचर्डको मृत्युपछि उनका परिवारले प्रत्यारोपण टोलीलाई धन्यवाद दिएका छन् ।
डाक्टरका कारण रिचर्डसँग केही समय बिताउन पाएको उनले बताए । रिचर्ड यस शल्यक्रियाको लागि तयार थिए ताकि संसारभरका उनी जस्तै अन्य बिरामीहरूले बाँच्ने नयाँ आशा पाउन सकून्।
रिचर्डको शल्यक्रिया भएको एक महिनापछि, अप्रिलमा, न्यू जर्सीकी लिसा पिसानो नामकी महिलाको पनि आनुवंशिक रूपमा परिमार्जित सुँगुरको मिर्गौला प्रत्यारोपण गरिएको थियो। यसबाहेक उनको मुटुको धड्कन जारी राख्नका लागि मेकानिकल पम्प पनि जडान गरिएको थियो ।
सुँगुरको जीनमा ग्लाइकन भनिने चिनीको अणु हुन्छ, जुन मानिसमा हुँदैन। हाम्रो शरीरले यस चिनीको अणुलाई बाह्य तत्वको रूपमा व्यवहार गर्छ र यसलाई अस्वीकार गर्दछ। जसका कारण यसअघि जहिले पनि मिर्गौला प्रत्यारोपणको प्रयास गरियो, असफल भयो ।
यो समस्या समाधान गर्न, वैज्ञानिकहरूले पहिले नै सुँगुरको जीन परिवर्तन गरिसकेका थिए र यो चिनीको अणुलाई हटाइसकेका थिए। साथै, जेनेटिक इन्जिनियरिङमार्फत सुँगुरको जीन परिवर्तन गरी मिर्गौला प्रत्यारोपण गरिएको थियो ।
हाल अमेरिकामा करिब १ लाख १० हजार मानिस अंग प्रत्यारोपणको पर्खाइमा छन् । तीमध्ये धेरैजसो मृगौला प्रत्यारोपणका घटना हुन् । अमेरिकामा हरेक वर्ष अंग प्रत्यारोपणको अभावमा ६ हजारभन्दा बढी बिरामीको मृत्यु हुने गरेको छ ।
