बाना कपको तालिका सार्वजनिक, उद्घाटन खेल बाना र सीइसी बीच
बाल्टिमोर । बाना कप फुटबलको उद्घाटन खेल आयोजक बाल्टिमोर एशोशिएन अफ नेप्लिज इन अमेरिका (बाना) र सीइसी बीच हुने भएको छ।
बाना मुख्यालयमा सोमवार सार्वजनिक खेल तालिकामा आयोजक टिमले पहिलो खेलमा प्रतिद्वन्द्वी सीइसी पाएको हो ।
कुल आठ टिमको सहभागिता रहने प्रतियोगिता आगामी शनिवार र आइतवार (अगष्ट १३ र १४ तारिक) मा हुदैछ।
शनिवार समुह चरणका खेल हुने छन्। यस्तै आइतवार सेमीफाइनल र फाइनल खेल हुने छन्।
खेलतालिका यस प्रकार छ
सोमवार सार्वजनीक खेल तालिकामा समुह एमा बाना र सीइसीका साथै गोर्खाली र हिमालयन टिम रहेका छन् । यस्तै समुह बीमा लमजुङ्ग समाज, बाल्टिमोर एथलेटिक्स क्लब, नेपरिकन र सुदुर पश्चिम रहेका छन्।
खेलहरु इस्टन रिजनल पार्क र मेडोरन पार्कमा हुने छन्। बाना कपको विजेताले २५ सय ५५ अमेरिकी डलर र उप विजेताले १५ सय ५५ अमेरिकी डलर नगद पुरस्कार पाउने छन्।
