ट्रम्प मिडिया एण्ड टेक्नोलोजी ग्रुपका सीओओको राजीनामा
पेन्सिल्भेनिया। ट्रम्प मिडिया एण्ड टेक्नोलोजी ग्रुपका प्रमुख सञ्चालन अधिकारी सीओओ एन्ड्र्यू नर्थवालले गत महिना राजीनामा दिएका थिए। अमेरिकी सिक्युरिटी एण्ड एक्सचेन्ज कमिसन (एसइसी)मा भएको दर्ता अनुसार, कम्पनीले नर्थवालका जिम्मेवारीहरू आन्तरिक रूपमा हस्तान्तरण गर्ने योजना बनाएको छ।
नर्थवाल डिसेम्बर २०२१ मा कम्पनीमा सामेल भएका थिए। त्यसैगरी, डेलावेयर अदालतको आदेशअनुसार, कम्पनीले एआरसी ग्लोबल इन्भेस्टमेन्ट्सलाई ७८५,८२५ सेयर हस्तान्तरण गर्नुपर्नेछ।
ट्रम्प मिडिया र एआरसी बीच सेयरको संख्या विवादमा थियो, जुन ट्रम्प मिडिया र डिजिटल वर्ल्ड एक्विजिसन कर्पसँगको मर्जरपछि उत्पन्न भएको थियो।
अदालतले अन्तिम आदेश दिएपछि ३० दिनभित्र दुवै पक्षले अपिल गर्न सक्ने बताएका छन्। *ट्रम्प मिडियाले ट्रुथ सामाजिक सञ्जाल प्लेटफर्म सञ्चालन गर्छ ।
जुन पूर्व राष्ट्रपति डोनाल्ड ट्रम्पले २०२१ मा भएको क्यापिटल दंगापछि ट्विटर र फेसबुकबाट प्रतिबन्धित भएपछि स्थापना गरेका थिए।
सरासोटा, फ्लोरिडामा आधारित कम्पनी वित्तीय घाटामा छ र आम्दानी बढाउन संघर्ष गरिरहेको छ। गत वर्ष कम्पनीले करिब ५८.२ मिलियन डलर घाटा बेहोरेको थियो, भने केवल ४.१ मिलियन डलर मात्र आम्दानी गरेको थियो।
ट्रम्प मिडियाका सेयरहरूलाई प्रायः ‘मिम स्टक’ भनेर चिनिन्छ, जसमा अनलाइनमा आएको हल्लाले सेयरको मूल्य बढी बढ्छ। गत महिनामा ट्रम्प मिडियाका सेयरहरूको मूल्य सबैभन्दा कम भएको थियो। ट्रम्प मिडियाका सेयरहरू हाल १६.२० डलर प्रति सेयरमा कारोबार भइरहेको छ।
