जापान पठाइदिन्छु भनी ठगी गर्ने व्यक्ति पक्राउ
काठमाडौं। वैदेशिक रोजगारको आकर्षक तलबको प्रलोभन देखाउँदै जापान पठाइदिन्छु भन्दै रकम ठगी गरेको अभियोगमा ४२ वर्षीय राम कुमार जिमीलाई प्रहरीले पक्राउ गरेको छ।
झापा कमल गाउँपालिका-७ घर भई हाल काठमाडौं बुढानिलकण्ठ नगरपालिका-२ बस्ने राम कुमार जिमीले जापान पठाइदिन्छु भन्दै ३ जना पीडितहरूबाट कुल ४ लाख ५० हजार रूपैयाँ लिएका थिए। रकम लिएपछि उनी सम्पर्कबिहीन भएका थिए।
पीडितहरूले प्रहरीमा उजुरी दिएका आधारमा, काठमाडौं उपत्यका अपराध अनुसन्धान कार्यालय टेकुबाट खटिएका प्रहरी टोलीले उनलाई काठमाडौं महानगरपालिका-२५ सुन्धाराबाट पक्राउ गरेका हुन्। राम कुमार जिमीलाई सुन्धाराबाट पक्राउ गरिएको हो।
पक्राउ गरिएका जिमीलाई आवश्यक अनुसन्धान तथा कानूनी कारवाहीको लागि वैदेशिक रोजगार विभाग ताहाचल, काठमाडौं पठाइएको छ।
प्रहरी अधिकारीहरूले उनलाई आवश्यक कारवाहीको लागि विभागमा पठाएको बताएका छन्।
