नेपाली क्रिकेट टिमलाई एनआरएनए हङकङले गर्यो नगद सहयोग
काठमाडौं । त्रिकोणात्मक टी-२० सिरिज खेल्न गएको नेपाली राष्ट्रिय क्रिकेट टोलीलाई हङकङमा रहेका नेपालीहरूले सहयोग गरेका छन् ।
गैरआवासीय नेपाली संघ (एनआरएनए) हङकङद्वारा आयोजित कार्यक्रममा नोभा बिजनेश सोलुसनको संयोजनमा संकलन गरिएको ५ लाख रुपैयाँ नेपाली टोलीलाई हस्तान्तरण गरिएको थियो । हङकङमा व्यवासाय गर्दै आएका नेपालीहरूले उक्त रकम संकलन गरेका थिए ।
टी–२० त्रिकोणात्मक सिरिज खेल्न हङकङ पुगेको नेपाली क्रिकेट टोलीलाई सम्मान गर्दै आगामी खेलहरूमा हौसला बढाउन नेपाली समुदायले आर्थिक सहयोग गरेको कार्यक्रममा जानकारी दिइएको थियो ।
जुनमा अमेरिका र वेस्टइन्डिजमा आयोजना हुन लागेको टी-२० विश्वकपमा सहभागी हुने नेपाली क्रिकेट खेलाडीहरूको हौसलास्वरूप ५ लाख आर्थिक सहयोग प्रदान गरिएको एनआरएनए हङकङका अध्यक्ष गोकर्ण प्रसाद ढकालले जानकारी दिए ।
खेलाडीको सम्मान कार्यक्रममा हङकङस्थित नेपाली महावहाज्यिदूत उदयबहादुर रानालगायत अन्य नेपाली संघ–संस्थाका प्रमुख तथा प्रतिनिधिको सहभागिता थियो ।
