आइपीएलको उपाधि चेन्नाईलाई
वर्षाले पहिलो दिन प्रभावित इन्डियन प्रिमियर लिग आइपीएलको फाइनल चेन्नाइ सुपर किग्सले जितेको छ । दोस्रो दिन पनि प्रभावित हुँदा चेन्नाइले नयाँ लक्ष्य पाएको थियो, जुन लक्ष्य पछ्याउँदै चेन्नाइले पूरा गर्दै पाँचौ पटक च्याम्पियन बनेको छ । अहमदाबादको नरेन्द्र मोदी स्टेडियममा भएको फाइनलमा पहिले ब्याटिङ गरेको गुजरातले २० ओभरमा चार विकेट गुमाएर २१४ रन बनाएको थियो । त्यसपछि वर्षाले रोकेर साढे दुई घण्टाको खेल विथोलियो ।
खेल राति १२.२५ मा पुन: सुरु भयो। डकवर्थ लुइस नियम अनुसार चेन्नईले १५ ओभरमा १७१ रनको लक्ष्य पाएको थियो । यो जितसँगै चेन्नईले मुम्बईको पाँच पटक उपाधि जित्ने कीर्तिमानको बराबरी गरेको छ । गुजरातका लागि साई सुदर्शनले उत्कृष्ट पारी खेले । शतक बनाउनबाट चुकेका उनी ४७ बलमा ८ चौका र ६ छक्का प्रहार गर्दै ९६ रन बनाएर आउट भए। यसपछि चेन्नईका लागि डेभन कोनवेले २५ बलमा सर्वाधिक ४७ रन बनाए ।
अन्तिम तीन ओभरमा चेन्नईलाई जितका लागि ३८ रन आवश्यक थियो। १३ औं ओभरमा मोहित शर्मा बलिङ गर्न आए । अम्बाती रायडु र शिवम दुबे क्रिजमा थिए। आफ्नो अन्तिम खेल खेलिरहेका अम्बाती रायडुले पहिलो तीन बलमा दुई छक्का र एक चौका प्रहार गरे।
उनी चौथो बलमा आउट भए । यस क्रममा उनले दुई छक्का र एक चौका प्रहार गरे । तर, उनले खेललाई चेन्नईको पक्षमा फर्काए । अर्को बलमा धोनी खाता नखोलेर आउट भए । यो ओभरमा १७ रन बन्यो । १४ औं ओभरमा मोहम्मद शामीको ओभरमा आठ रन बनेका थिए ।
अन्तिम ओभरमा सीएसकेलाई जितका लागि १३ रन आवश्यक थियो। पहिलो चार बलमा तीन रन आए। यसपछि चेन्नाइलाई अन्तिम दुई बलमा १० रन चाहिएको थियो। रविन्द्र जडेजा क्रिजमा थिए । जडेजाले पाँचौं बलमा छक्का प्रहार गरे । जडेजाले अन्तिम बलमा चौका प्रहार गर्दै चेन्नईलाई रोमाञ्चक जित दिलाए ।
उत्कृष्ट ब्याटिङ गर्दै गुजरात टाइटन्सले २० ओभरमा चार विकेट गुमाएर २१४ रन बनाएको थियो । आईपीएलको फाइनलमा यो सबैभन्दा ठूलो स्कोर हो । यसअघि सन् २०१६ को आईपीएल फाइनलमा सनराइजर्स हैदरावादले २० ओभरमा ७ विकेट गुमाएर २०८ रन बनाएको थियो।
टस हारेर पहिले ब्याटिङ गरेको गुजरातले उत्कृष्ट सुरुवात गरेको थियो । ऋद्धिमान साहा र शुभमन गिलले पहिलो विकेटका लागि ६७ रनको साझेदारी गरे । शुभमनलाई महेन्द्र सिंह धोनीले सातौं ओभरमा रविन्द्र जडेजाको बलमा स्टम्प गरेका थिए । उनले २० बलमा ३९ रन बनाउन सके । जसमा सात चौका सामेल छन्। यसपछि ऋद्धिमान साहा र साई सुदर्शनले दोस्रो विकेटका लागि ६४ रनको साझेदारी गरे । यसैबीच साहाले आफ्नो अर्धशतक पूरा गरे । उनलाई दीपक चाहरले धोनीको हातमा कैच आउट गरेका थिए । साहा ३९ बलमा ५ चौका र एक छक्काको मद्दतले ५४ रन बनाएर आउट भए ।
यसपछि सुदर्शन र कप्तान हार्दिकले तेस्रो विकेटका लागि ११० रनको साझेदारी गरे । फाइनलमा सुदर्शनले उत्कृष्ट प्रदर्शन गर्दै ४७ बलमा ९६ रन बनाए । आईपीएल २०२३ मा उनको यो तेस्रो अर्धशतक हो । सुदर्शनले शतक गुमाए । उनी २० औं ओभरमा मथिशा पाथिरानाले एलबीडब्ल्यू आउट भएका थिए । रसिदलाई इनिङ्सको अन्तिम बलमा पाथिराना ऋतुराज गायकवाडले क्याच आउट गरेका थिए । उनले खाता पनि खोल्न सकेनन् । हार्दिकले १२ बलमा २ छक्का प्रहार गर्दै २१ रन बनाएर अविजित रहे । चेन्नईका पाथिरानाले दुई विकेट लिए । यस्तै, दीपक चाहर र जडेजाले एक–एक विकेट लिए । तुषार देशपाण्डे निकै महँगो साबित भए । उनले चार ओभरमा ५६ रन दिए ।
गुजरातको इनिङ्सपछि चेन्नईको इनिङ्स सुरु भएको थियो र तीन बलपछि फेरि एकपटक वर्षाले रोक्यो । यसले करिब साढे दुई घण्टाको खेल खेर गयो । खेल १२: २५ बजे पुन: सुरु भयो। डकवर्थ लुइस नियम अनुसार चेन्नईले १५ ओभरमा १७१ रनको लक्ष्य दिएको थियो । तीन बल खेलेको थियो, अर्थात् चेन्नाइले ८७ बलमा १६७ रन बनाउनु परेको थियो । उनीहरुका लागि सबैभन्दा राम्रो पक्ष भनेको कुनै विकेट नगुमेको अवस्था थियो र ऋतुराज गायकवाड र डेभोन कोनवे क्रिजमा थिए। पावरप्लेमा चार ओभर थियो र गुजरातका बलरले तीन ओभर बलिङ गर्न सक्थे।
चेन्नईले शानदार सुरुवात गरे र ऋतुराज-कन्वेले पहिलो विकेटका लागि ७४ रन जोडे। सातौं ओभरमा नूर अहमदले दुवै ओपनरलाई प्याभिलियन पठाए । ऋतुराजले १६ बलमा २६ रन बनाएर आउट भए भने कोनवेले २५ बलमा ४७ रन बनाए । ऋतुराजले आफ्नो पारीमा तीन चौका र एक छक्का प्रहार गरे भने कोनवेले आफ्नो पारीमा चार चौका र दुई छक्का प्रहार गरे । त्यसपछि अजिंक्य रहाणे र शिवम दुबेले तेस्रो विकेटका लागि ३९ रनको साझेदारी गरे । रहाणेले १३ बलमा दुई चौका र दुई छक्का प्रहार गर्दै २७ रनको बहुमूल्य इनिङ खेले ।
यसपछि अम्बाती रायडुले आठ बलमा १९ रनको तूफानी इनिङ खेले । उनले एक चौका र दुई छक्का प्रहार गरे । धोनीले खाता खोल्न सकेनन् । योसँगै जडेजाले ६ बलमा एक चौका र एक छक्काको सहयोगमा १५ रनको अविजित इनिङ खेले । त्यस्तै शिवम दुबेले २१ बलमा ३२ रन बनाएर अविजित रहे । उनले आफ्नो पारीमा दुई छक्का प्रहार गरे । गुजरातका मोहित शर्माले तीन र नूर अहमदले दुई विकेट लिए ।
