जुलाई १८, २०२२

जीपी कोइराला फाउण्डेशनका अध्यक्ष घिमिरेद्वारा पिताको स्मृतिमा आश्रममा एक सय जनालाई १२ पटक सामुहिक भोजन

340

बिराटनगर । गिरिजा प्रसाद कोइराला फाउण्डेशन अमेरिकाका अध्यक्ष सोमनाथ घिमिरे र उनलेको परिवारले आफ्ना स्वर्गिय पिताको १३ दिनको तिथि पारेर मानवसेवा आश्रम बिराटनगरमा सामुहिक भोजन गराएका छन।

अमेरिकाको न्यूयोर्कमा बसोवास गर्दै आएका बिराटनगर- ३ पुष्पान्जलि चोकका घिमिरेले पिता कुबेर चन्द्र घिमिरे(बिद्यापति) को १३ औं दिनको तिथिमा सोमवार मानवसेवा आश्रम बिराटनगर शाखाको पोखरीया सेवा केन्द्रमा रहेका ९६ जनालाई सामुहिक भोजन गराएका हुन्।

घिमिरेका अनुसार यस्तो भोजन महिनाको एक पटक एक बर्ष सम्म कायम रहने छ। स्वर्गिय पिताको आत्मा शान्ति तथा बैकुण्ठ बासको लागि ईश्वर सँग प्रार्थना गर्दै आश्रममा १२ वटा सामुहिक भोजनको व्यव्था गरिएको फाउण्डेशनका अध्यक्ष घिमिरेको भनाई छ।

पहिलो मासिक सामुहिक भोजन सेवामा घिमिरे परिवार वाट आमा डली घिमिरे, छोरा जीवन घिमिरे, बुहारि सिता घिमिरे, छोरा सोमनाथ घिमिरे, छोरीहरु बिना घिमिरे पन्त र सन्ध्या घिमिरे खत्री, ज्वाई गोपाल पन्त, भान्जी जानवि खत्री हरुले ९६ बृध्दा बुवाहरुलाई खानाको सेवा गरेका थिए।

सामुहिक भोजनमा सहजीकरण गरेका लायन्स क्लब अफ बिराटनगर-बरगाछिका अध्यक्ष शुभाष रिजाल, मुख्य संयोजक रमेश खत्री, संयोजक ज्ञानेन्द्र खत्रीलाई फाउण्डेशन अध्यक्षले आभार व्यक्त गरेका छन्।

सेवा र सहकार्यको लागी: ९८५५०७६०१५/९८४३३४७६३६/ ९८४३३४७६३१