१९ औं एशियन गेम्सको लागि बक्सिङ्ग खेलाडी छनौट शुरु
काठमाडौं। नेपाल बक्सिङ्ग संघले आगामी सेप्टेम्बरमा चीनमा हुन गईरहेको १९ औ एशियन गेम्सका लागि यहि अप्रिल २७ देखि अप्रिल ३० तारिख सम्म अधिराज्यव्यापी प्रारम्भिक बक्सिङ्ग छनौट खेल शुरु गरेको छ ।
बुधवार भएको प्रारम्भिक छनौट खेलमा फ्लाई वेट ५१ किलो महिला तर्फ त्रिभुवन आर्मी क्लबकी मिनु गुरुङ्गले नेपाल बक्सिंग क्लबका दीवाना शेर्मालाई नक आउटको आधारमा पराजित गरिन । त्यसै गरी सोहि तौल समुहमा आर्मीकै ललिता महर्जनले एपिएफका निता गोसाईलाई अंकको आधारमा पराजित गरिन।
फ्लाई वेट तौल समुहमा भएको अर्को खेलमा नेपाल प्रहरीका रिता धरलाले बाग्मती प्रदेशका देनिका राईलाई अंकको आधारमा पराजित गरिन भने सोहि तौल समुहमा बाग्मती प्रदेशका सुस्मा तामाङ्गले बाग्मती प्रदेश ए कै अस्मिता दुवाललाई युनानिमस डिसिजनका आधारमा पराजित गरिन ।
त्यसै गरी महिला वैन्टम वैट तौल समुहमा बाग्मती प्रदेशका हेमा राई ले बागमती प्रदेश ए कै स्वस्तिका लाई स्पिलट डिसिजनका आधारमा पराजित गरिन।
पुरुषका खेलहरुमा ५२ केजी ताैल समुहमा बागमती प्रदेशका खेलाडी लक्ष्मण राईले आर्मीका खेलाडी जयन्त मैनालीलाई र नेपाल प्रहरीका खेलाडी चन्द्र बहादुर थापाले बागमती प्रदेशका खेलाडी रविन थापाललाई क्रमश ३:२ र ५:० अंककाे आधारमा जित हात पारे ।
त्यसैगरी ५७ केजी ताैल समुहमा नेपाल आर्मी बि का खेलाडी पुरन सुनुवारलाई नेपाल आर्मी ए का खेलाडी ईन्द्र बहादुर सुनारले वाक ओभरका आधारमा जिते ।
भने ६३ केजी ताैल समुहमा गण्डकी प्रदेशका खेलाडी सागर परियारलाई नेपाल आर्मी ए का खेलाडी लालु आले मगरले ५:० अंककाे आधारमा र साेहि ताैल समुहमा बागमती प्रदेश ए का सुलभ मालिलाई बागमती प्रदेशका निशान दासले ४:१ अंककाे आधारमा जित हासिल गरे ।
त्यसैगरी ७५ केजी ताैल समुहमा बागमती प्रदेशका खेलाडी बिनिस राईलाई ललितपुरका खेलाडी साजन थिंङ तामाङले ३:२ अंककाे आधारमा र लुम्बिनी प्रदेशका खेलाडी बिकास राना मगरलाई बागमती प्रदेशका खेलाडी सनिल शाहीले ५:० अंककाे आधारमा जित हात पारे ।
यस छनाैट प्रतियोगितामा प्रतियोगिताका संयाेजक एंव नेपाल बक्सिङ संघका अध्यक्ष राम अलाले, राष्ट्रिय खेलकुद परिषदका प्रतिनिधि तथा तालिम तथा प्रशिक्षण विभागका उप निर्देशक विष्णु बहादुर सिंह सहित नेपाल बक्सिङ संघका पदाधिकारीहरुकाे उपस्थिति रहेकाे थियाे ।
