एलन मस्कको अभियान : पेन्सिल्भेनियाका गभर्नरको गम्भीर चासो

पेन्सिल्भेनिया। पेन्सिल्भेनिया गभर्नर जोश शापिरोले एलन मस्कको “अमेरिका पीएसी” द्वारा मतदाताहरुलाई साइन गर्ने याचिकामा आर्थिक प्रलोभन दिने प्रयासप्रति गम्भीर चासो व्यक्त गरेका छन् ।

उनले यसमा कानूनी अनुसन्धान आवश्यक रहेको बताएका छन्। मस्कले यो याचिका “स्वतन्त्र भाषण र हतियार राख्ने अधिकार” को समर्थनमा साइन गर्न पेन्सिल्भेनियामा दर्ता भएका मतदाताहरुलाई आर्थिक पुरस्कार दिने योजना घोषणा गरेका थिए।

शनिबार ह्यारिसबर्ग, पेन्सिल्भेनियामा आयोजित एक टाउन हल कार्यक्रममा, मस्कले घोषणा गरे कि उनी नोभेम्बर ५ सम्म दैनिक रूपमा  १ मिलियन डलरसम्मको पुरस्कार दर्ता भएका मतदाताहरुलाई दिन्छन्, जो याचिकामा हस्ताक्षर गर्छन्। उनले पहिलो १ मिलियन डलर पुरस्कार एक सहभागीलाई व्यक्तिगत रूपमा प्रदान गरे।

मस्कको अभियानले विवाद खडा गरेको छ किनभने उनले मतदाताहरुलाई याचिकामा हस्ताक्षर गर्न प्रोत्साहनस्वरूप वित्तीय लाभहरू दिन थालेका छन्। यसअघि, पेन्सिल्भेनियाका मतदाताहरुलाई याचिकामा हस्ताक्षर गर्दा १०० र अन्यलाई रिफरल गर्दा १०० डलर दिइएको थियो।

पेन्सिल्भेनियाका गभर्नर शापिरोले मस्कको घोषणाले प्रलोभनहरूलाई सम्भावित चुनावी कानुन उल्लङ्घन भएको भन्दै अनुसन्धानको माग गरेका छन्। युसीएलएका कानूनी विज्ञ रिच हसनले भने मस्कको कदमलाई “अवैध” भन्दै कानूनी कारबाही हुनुपर्ने बताए।

यद्यपि, अन्य कानूनी विज्ञहरू भने यसलाई “नैतिक रूपमा आपत्तिजनक” भए पनि “कानूनी रूपमा अवैध नभएको” बताइरहेका छन्।