सेन्ट्रल पेनसिल्भेनियामा अत्याधिक चिसो, बासिन्दाहरूलाई सावधानी अपनाउन सुझाव
कार्लाल, पेन्सिलभेनिया / सेन्ट्रल पेनसिल्भेनियामा अत्याधिक चिसो र खतरनाक हावा प्रभावका कारण मौसम चेतावनी जारी गरिएको छ ।
पेनसिल्भेनियामा मङ्गलवार दिउँसोसम्म हावा प्रभावसहितको चिसो तापक्रम शून्य डिग्रीभन्दा १०–२० डिग्री कम हुने अनुमान गरिएको छ । त्यस्तै मङ्गलवार साँझदेखि बुधवार बिहानसम्म नयाँ चेतावनी जारी हुने अपेक्षा गरिएको छ ।
यो चिसो मौसम यस साता अझ तीव्र हुने अनुमान गरिएको छ । विशेष गरी बिहीबार रातिदेखि शनिवार बिहानसम्मको अवधि सबैभन्दा चिसो रहने बताइएको छ । यस अवधिमा दैनिक तापमानका नयाँ रेकर्ड तल्लो स्तर कायम हुन सक्ने सम्भावना छ ।
मौसम विभागले स्थानीय बासिन्दाहरूलाई लामो समयसम्म अत्यधिक चिसोमा बस्नुपर्दा सावधानी अपनाउन सुझाव दिइएको छ ।
अधिकतम तापक्रम ग्राउन्ड हग डे सम्म शून्य डिग्रीभन्दा तल रहने तथा सम्भवतः मध्य–फेब्रुअरीसम्म पनि यथावत् रहने अनुमान गरिएको छ ।
मौसम अधिकारीहरूले यस सप्ताहान्तको लागि सामुन्द्रिक आँधी–तुफान पनि निगरानीमा राखेका छन् । आँधीको मार्ग अझै अनिश्चित भए पनि हालको पूर्वानुमान अनुसार आइ–८१ कर्पिडोरसम्म २–३ इन्च हिमपात हुन सक्ने तथा पूर्वी तटमा भारी हिमपातको सम्भावना रहेको छ ।
