बीस लाख पेन्सिल्भेनियाबासीको स्न्याप बेनिफिट जोखिममा : गभर्नर सापिरो
ल्यानक्यास्टर, पेन्सिल्भेनिया/ गभर्नर जस सापिरोले पेन्सिल्भेनियाका २० लाख जनताले पाउँदै आएको स्न्याप वेनिफिट (खाद्य सहायता) जोखिममा परेको बताएका छन्।
गभर्नर सापिरोले मंगलवार सामाजिक सञ्जाल मार्फत यस्तो चेतावनी दिएका हुन्।
‘फेरि एक पटक, पेन्सिलभेनियालीहरू वाशिंगटन डीसीमा भएको अराजकताबाट प्रभावित भइरहेका छन्।‘ गभर्नरले लेखेका छन्, ‘कंग्रेसनल रिपब्लिकनहरूले एक लाख ४० हजार पेन्सिलभेनियालीहरूलाई स्न्यापबाट हटाउन र ३१ हजार जनालाई मेडिकेटबाट बाट हटाउन मतदान गरेको केही महिनापछि, संघीय बजेट पारित गर्न र सरकार पुनः खोल्न उनीहरूको हालको असफलताले अब खानाको लागि स्न्यापमा भर पर्ने लगभग २० लाख पेन्सिलभेनियालीहरूको लागि खाद्य सहायतालाई खतरामा पारेको छ।‘
गभर्नरले धेरै परिवार र बच्चाहरू भोकै पर्ने भन्दै चिन्ता समेत व्यक्त गरेका छन्।
‘परिवार र बच्चाहरू भोकै बस्न सक्छन् र तैपनि कंग्रेसनल रिपब्लिकनहरूले वास्ता गरेको देखिँदैन।‘ गभर्नर सापिरोले लेखेका छन्।
वर्तमान अवस्था कायम नै रहेमा नोभेम्बर १ तारिख देखि पेन्सिलभेनियाभरि लगभग २० लाख मानिसहरूले ताजा खानाको लागि पहुँच गुमाउन सक्छन्।
यदि सरकारी बन्द जारी रह्यो भने, पेन्सिल्भेनियाले स्न्याप लाभहरूको लागि संघीय भुक्तानी पाउने छैन।
यो परिदृश्यले स्न्यापमा मा भर पर्ने मानिसहरू र खाद्य असुरक्षासँग लड्न मद्दत गर्ने संस्थाहरूका लागि धेरै चिन्ता सिर्जना गरिरहेको छ।
पेन्सिलभेनिया स्वास्थ्य विभागले हालै एउटा सूचना जारी गर्दै भनेको छ, “कांग्रेसले तुरुन्तै कारबाही नगरेसम्म, नोभेम्बरको लागि स्न्याप भुक्तानी जारी गरिने छैन। १.९ मिलियन भन्दा बढी पेन्सिल्भेनियालीहरूले स्न्याप लाभहरू प्राप्त गर्छन्।”
